Accessibility links

пәнҗешәмбе, 8 декабрь 2016, Казан вакыты 07:11

Yewropa Komissiäse Qazaxstannı keşe xoquqları torışın yaxşırtırğa çaqıra


Yewropa Komissiäse Qazaxstannıñ 2009-nçı yılda Yewropada İminlek wä Xezmättäşlek Oyışmasın citäkläwen yaqlasa da, monıñ öçen Astanä başta Oyışmanıñ xoquq taläplären ütärgä tieş dide. Komissiä süzçese Emma Udwin Yewropa Berlegeneñ tışqı mönäsäbätlär komissionerı Benita Ferrero-Waldner Qazaxstannıñ citäkçelek omtılışın yaqlıy dip belderde. Komissioner Ferrero-Waldner elegräk şäxsän monı yaqlawın äytkän ide. Ul oyışmanı citäkläwçe härber il oyışma taläplären ütäwen açıq itep kürsätergä tieş, häm oyışmada citäkçelekkä omtılu ildä reformalarnı däwam itügä etärgeç bulırğa tieş digän fikerdä dide Udwin. Qazaxstan prezidentı Nursoltan Nazarbayev 4-nçe dikäberdä Brüsseldä Yewropa Berlege häm NATO idaräslärendä bulaçaq. 4-nçe 5-nçe dikäberlärdä Brüsseldä Yewropada İminlek wä Xezmättäşlek Oyışması tışqı eşlär ministrları oçraşuında Qazaxstan räislege mäsäläse dä qaralaçaq.

XS
SM
MD
LG