Accessibility links

дүшәмбе, 5 декабрь 2016, Казан вакыты 15:43

Samarda Sara Sadıyqova bäyräme uzdı


Millionlı xalqı bulğan Samar şähärendä tatar balalarınnan ğına tuplanğan “Yaqtılıq” isemle mäktäp eşli. Biredä bıyıl 225 bala tatar möxitenä yaqınlaşa. Tatar tele däreslärennän tış, tatar xalqınıñ bäyrämnäre häm kürenekle şäxeslärenä bağışlanğan ädäbi- muzıkal'' kiçälär oyıştırıla. Çirattağı şundıy çaralarnıñ berse- Sara Sadıyqova kiçäse buldı. Mäktäpneñ aktlar zalında - bala- çağalar, uqıtuçılar. Säğät yarım däwamında tatar xalqınıñ klassik cırçısı, kompozitorı, milli yöräkle qızı turında bäynä- bäynä söylände. Balalar söyläwe tarixi dokumental'' kadrlar belän köçäytelde. Ä Sara apa Sadıyqovanıñ cırların zal kümäkläşep başqardı.

Säxnädä karaoke, köy yañğırıy, ekranda süzlär, başlap cırlawçı bar, ä zaldağı barlıq balalar köyne kütärep alalar. “Yaqtılıq” mäktäbendäge kiçälärneñ üzençälege şunda ki, konsert programmasında balalar ğına tügel , uqıtuçılar da cırlıy, xättä mäktäp direktorı Xaridä apa Daşkina da. Sara Sadıyqova kiçäsendä dä Xaridä xanım kompozitornıñ “Cidegän çişmä” isemle cırnı başqardı. Sara Sadıyqovanıñ 100 yıllığına bağışlanğan ädäbi- muzıkal'' programmanı äzerläwdä tatar tele uqıtuçısı Nurzidä xanım Fäyzullina küp köç quydı.

XS
SM
MD
LG