Accessibility links

якшәмбе, 11 декабрь 2016, Казан вакыты 05:26

Firqälär urtaq tel tapmıy


Rusiädäge “Watan”, “Pensionerlar firqäse” häm “Tormış” firqäläre berläşülären beldergän idelär. Mäskäwdä bu öç firqä oktäber ayında uq berläşsä dä, alarnıñ Başqortstan bülekçäläre räislek mäsäläsendä urtaq tel taba almadı. Eş şunda, berläşkän firqägä baş itep “Tormış firqäse” bülekçäse räise Vyaçeslav Kvyat üzen layıq dip sanasa, qalğan firqä citäkçeläre monıñ belän rizalaşmadı. 2нче dekaber Ufada uzğan konferensiädä dä şul uq säbäptän räis saylanmadı. Kvyatqa qarşılar anıñ Başqortstanda terkälmi Mäskäwdä yäşäwe häm xökem itelüen säbäp itep kiterä. Rusiä terkäw idäräseneñ respublika bülekçäse Ufada terkälmägän keşeneñ firqä bülekçäse räise buluı ustavnı bozu dip belderde.

XS
SM
MD
LG