Accessibility links

җомга, 9 декабрь 2016, Казан вакыты 06:53

Rusiä ğaskärlären Gruziä häm Moldovadan çığaru täqdime yañğıradı


Yewropada iminlek häm xezmättäşlek oyışması illäreneñ tışqı eşlär ministrları cıyınında Rusiä ğäskärlären Gruziä belän Moldovadan çığarırğa çaqıru yañğıradı. Quşma Ştatlar wäkile Nicolas Burns, oyışmadağı xezmättäşlär üzläreneñ kürşe töbäklärendäge iminlekne saqlawnı da qayğırtırğa tieş, dip belderde.

Rusiä tışqı eşlär ministrı Sergey Lavrov cawap itep, Yewropada iminlek häm xezmättäşlek oyışmasınıñ ber yaqlı ğına eş itüe, Sovetlar Berlegeneñ elekke respublikaları arasında küptänge häm qatlawlı mäsälälärne ğadiläşterelgän häm säyäsätläşterelgän çişügä kiteräçäk, dip belderde.

Oyışmanıñ xäzerge räise, Belgiä tışqı eşlär ministrı Karel De Gucht: “Brusseldän torıp pısqıp yatuçı problemalarğa çişeleş tabırğa mömkin tügel. Min sezneñ barığıznı da bu oçraşu birgän mömkinlektän faydalanırğa häm özelgän söyläşülärne qabat başlarğa çaqıram”,- dide.

XS
SM
MD
LG