Accessibility links

чәршәмбе, 7 декабрь 2016, Казан вакыты 19:37

Bäyrutta uram cıyınnarı däwam itte


Libanda dürtençe kön inde “Xizbulla” tarafdarlarınıñ premier Fuad Sinioranıñ könbatış yaqlı xökemätenä qarşı uram cıyınnarı däwam itä. Premier, xalıqnıñ küberäk öleşe anı yaqalğanğa, “Xizbulla” häm Süriä yaqlı başqa köçlärneñ täläplärenä buysınıp, wazífalarınnan kitmäyäçägen belderde. Ğäräp illäre ligasınıñ general' sekretare Ämr Mussa: “Liban bülenmäskä häm tiskäre köçlär öçen tabışqa äylänmäskä tieş. Andıy tiskäre köçlär Libanda ğına tügel, böten cirdä dä bar. Problema şunda- ilne qotqaru xaqına liban cämäğätenä, säyäsätçelärgä berläşergä häm bergä eşlärgä kiräk”,- dide.

Yäkşämbe könne Bäyrutta qarşılıq kürsätüçelärneñ berse- şığıy üterelgän ide. Bu xäl qarşılıq kürsätüçelär şähärneñ küpçelege sönnilär yäşägän bistäsennän ütkändä atışlar waqıtında bulğan.

XS
SM
MD
LG