Accessibility links

якшәмбе, 11 декабрь 2016, Казан вакыты 10:59

İran qararın kileşterü söyläşüläre bara


Parijda BMO İminlek şurasınıñ 5 daimi äğzäse häm Germaniä, İran rezolutsiäseneñ eçtälegen kileşterü öçen söyläşülär ütkärä. Mäskäw Tähranğa çikläwlärneñ barı tik atom texnologiäläre häm atom çimalı kertüenä kirtä quya torğannarın ğına xuplarğa äzer ikänlegen belderä. Könbatış isä, qatğıy iqtisadıy çikläwlär täläp itä. Quşma Ştatlar däwlät sekretare urınbasarı Nicholas Burns cıyılış qısalarında xäbärçelär belän oçraşqan waqıtta: “Minem uylawımça, Tähranğa bu tärtibe öçen säyäsät häm iqtisad ölkäsendä bik qıybat tülärgä turı kiläçägen añlasın öçen İminlek şurası İran rezolutsiäsen qabul itergä tieş. İranğa atom eşläwdä xosusıy şirkätlär dä bulışırlıq härtörle: texnik, fänni, säyäsi häm aqçalata yärdämne beterergä kiräk. Mondıy yärdämnär qanunıy tügel dip iğlan itelergä tieş”,- dide.

İran prezidentı Mäxmüt Äxmädinicäd: “Ägär dä sez bezneñ atom programmasın tuñdırırğa tırışunı tuqtatmasağız häm bu ölkädä bezneñ il xalqınıñ xoquqların çikläw öçen nindi dä bulsa adım yasasağız, ul aktiv propaganda yäisä xalıqara oyışmalarnıñ qararı da bulırğa mömkin, ul oçraqta bez monı “doşmanlıq ğämäle” dip bäyäläçäkbez”,- dide.

XS
SM
MD
LG