Accessibility links

дүшәмбе, 5 декабрь 2016, Казан вакыты 05:32

Rif İsänov: Başqortostandıñ Räsäyzän sığıu ixtimalı qarala


Däwlät Dumahı deputatı Oleg Morozovtıñ Tatarstan menän Çeçnyä ğına Räsäy menän kileşew töźöy ala tigän belderewe Başqortostanda bik äwźem tikşerelä. Respublika yämäğätselege bıl fekerźe bik borsolop qabul itte. Oleg Morozovtıñ belderewe ikense radikaleräk belderewźärgä lä, başqort milli xäräkättäre eşmäkärlegen yänländerewgä lä säbäpse buldı. Şulay itep, "Ural" başqort xalıq üźäge Räsäy sostawınan sığıu ixtimallığın qaray başlanı. Üźäk yetäksehe Rif İźänov, älbittä, bıl turala turanan–tura beldermäy, ämmä Başqortostandıñ bığa xoquğı bar tip belderä. Üźeneñ oşo turalağı belderewen ul ,,Ural,, başqort xalıq üźägeneñ sirattağı ultırışında yahağaynı. Añlaşıla ki, respublikanıñ kiñ mäğlümät saraları bınday radikal' belderewgä küź yomorğa tırıştı. Matbuğatta üźäk ultırışı xaqında la mäğlümät bulmanı. Beź bögön Rif İźänov menän waqiğälär üźeşe xaqında höyläştek.

Rif İźänov äytewensä, Mäskäwźäge qıźıu baştar Başqortostanda ,,Ural,, kewek oyoşmalar barlığın häm telähä nindäy belderewźär yahağanda awıźźarın ülsäp asırğa teyeş. Başqortostan Estonia, Litwa, Latwiä kewek üźallılıqqa xoquqlı ti Rif İźänov. Ämmä üźäkteñ bıl aźımı şul uq minuttarźa administrativ resurstı yegergä mäjbür itkän. İźänov äfändene säyäsi ekstremizmda ğäyeplägändär.

,,Ural,, üźäge belderewźär menän genä siklänergä uylamay. Äle xalıq arahında kiñ külämle añlatıu eştäre başlanğan.

Respublika prezidentınıñ federal' üźäk menän kileşew proektın äźerläw buyınsa maxsus törköm oyoştorow turahındağı farmanın oppozisia matbuğatı Mortaza Räximov urındağı yämäğätselekkä quşıldı tip bahalanı. Waqiğälär üźeşe dawam itä. Bögön Aq tirmä oyoşmahı la üźeneñ sirattağı ultırışın ütkärźe. Unda la hüź millätteñ artabanğı yaźmışı xaqında barźı. Oyoşma Ural üźäge başlanğıstarına teläktäşlek belderä.

Bögöngö ultırışta şulay uq milli matbuğatqa yaźılıu barışı la tikşerelde. Ultırış ütkän zalda başqort matbuğatı wäkildäre yıyılğaynı, oşonda uq başqort matbuğatına yaźılıu źa oyoştoroldo. Aq tirmä başqort oyoşmahı yetäksehe Lälä Beyeşewä äytewensä, milli matbuğattıñ älege köndö xäle şäptän tügel.

XS
SM
MD
LG