Accessibility links

якшәмбе, 11 декабрь 2016, Казан вакыты 09:00

Açıq mikrofon: Salix Säydäş kem ul? Anıñ nindi äsärlären beläsez?


Çärşämbe könne Qazanda mäşhür tatar kompozitorı Sälix Säydäşne iskä aldılar. Säydäş - tatar professional' muzıykasına nigez salğan şäxes. Mäşhür millättäşebezne iskä alu çaraları Säydäş isemendäge muzeyda ütkärelde. Säydäş xalıq küñelendä yäşi. Şiğriättä Tuqay bulsa, muzıkada tatarnıñ dahie - Säydäş. Bügen bez açıq mikrofon säxifäsendä dä Salix Säydäşne iskä aldıq:

Salix Säydäşev – böyek kompozitor. Äsärlärennän – armiädän qaytqanda, “Slavyanka” cırı köyen uynıylar, anı Säydäş yazğan. Suğış waqıtında anıñ gimnnarı häm muzıkası yañğırağanda, nemetslar küpläp snaryad atqannar, açuları çığıp şul köylärgä.

Beläm, yazuçı ul. Äsärlären qayan belim inde, uqıp çıqqanğa küptän bit inde.

Salix Säydäş – yazuçı ul.

Säydäşev – Tatarstannıñ tanılğan kompozitorı, Tinçurin häm Qamal isemendäge tatar teatrları spektakl'lärenä köy yazğan mäşhür kompozitor. Ayırım äsärlärenä kilgändä, “Tuğan awılım”-Xäydär Bigiçev cırlıy, “Zäñgär şäl”dän bik küp äsärläre bar, alarnı küp kenä cırçılar başqara.

Yazuçı buğay ul, äsärlären belmim.

Kompozitor ul, äsärlären xäterlämim.

Kompozitor. Säydäşneñ kem ikänen belmäskä inde!

Säydäşewnıñ kem ikänen min bik yaxşı beläm. Anı belmägän keşe üzen tatar millätennän dip sanarğa tieş tügel dip sanıym.

Niçek inde belmäskä! Anıñ marşın bik yaxşı beläm.

Äye, ul şağir.

Az ğına beläm. Ul yazuçı.

Kompozitor ul. Anıñ äsärläre – “Zäñgär şäl” buğay häm “Sovet Armiäse gimnı”.

Tatarnıñ yözek qaşı ul Salix Säydäş. Üzäklärgä ütep yılata torğan kompozitor ul Säydäş.

Güzäl Zıyätdinova.

XS
SM
MD
LG