Eşheźlek, ayırıusa yäştärźe alğan hönärźäre buyınsa eş menän tämin iteü respublikala qırqıu tora. Huñğı yıldarźa iqtisad, finans belgestären, yuristarźı küpläp äźerlänelär, töźölöştä eşlärlek keşe qalmağan. Yäştär arahında sälämätlek tä yaqşınan tügel. Mäktäp tamamlausılarźıñ yartıhı sirle. Yäştärgä fatir alıu, üźallı yäşäü mömkin tügel. Oşo arqala yäştär arahında kiläsägenä ömöt menän qarausılar kämey. Mäśälän, qayhı ber mäğlümattar buyınsa Başqortostanda yäştärźeñ 10-15 protsentı ğına üźeneñ kiläsägen töśmörläy. Oşoğa qaramaśtan, respublikala yäştär säyäsäten alıp barıusılar optimistik ruxta. Mäśälän mäğarif häm yäştär säyäsäte qoroloştarı berläşep eşlärgä kileşkän. Yäştär säyäsäte buyınsa däülät komitetı räyese Yulay İlyasov xälde yayğa halıuźa alğa ber aźım yahaldı tip atanı.
Yulay İlyasov federal kimäldä yäştär mäsälähenä iğtibarźıñ aź büleneüen äytä. Şuğa kürä 2007-se yıldıñ federal okruğta Yäştär yılı tip iğlan iteleüe İźel buyındağı başqa töbäktärgä Başqortostandan bıl yähättän ölgö alırğa yarźam itäsäk ti ul.
Öfölä yäştär mäsälälärenä arnalğan federal kimäldäge käñäşmäneñ qasan uźğarılasağın kilähe aźnala xäl itäsäktär. Tap 12-se dekabr köndö Öfölä il başlığınıñ İźel buyı töbäktärendäge wäkillege qaramağındağı şura ultırışı bula.
