Başqortostan prokurorınıñ berense urınbaśarı Salauat Kärimov aldan farazlağansa, Ulyanov ölkähe prokurorı itep täğäyenlänmäne, unı qaytanan Mäskäügä aldılar. General prokuror Yuriy Çayk boyroğo menän ul General prokuraturağa küserelgän. Unıñ Öföläge urını älegä buş tora. Salauat Kärimov 2000-se yılda ber tapqır Öfönän Mäskäügä eşkä alınğaynı, bıltır unı qaytanan Başqortostan prokurorı urınbaśarı itep Öfögä qaytarğaynılar. Unı oliğarxtar killerı tip narıqlağaynılar. Sönki Salauat Kärimov Kremlgä oqşamağan Boris Berezovskiy, Vladimir Gusinskiy, Mixail Xodorqovskiy keüek bildäle eşqıuarźarğa bäyle enäyät eştären alıp barźı. Öfölä eşlägän däüerźä ul Albert Ğälimov atlı kriminal avtoritetqa bäyle enäyät eşe öśtöndä eşläne.
