Accessibility links

шимбә, 10 декабрь 2016, Казан вакыты 00:20

Litvinenko Londonda möselmança cirlände


Bügen Londonda Rusiä Federal' iminlek xezmäteneñ elekke xezmätkäre Aleksandr Litvinenko cirlände. Ul 44 yäşendä 23 nöyäber könne ülgän ide. Cenazada qatnaşqan ätise Valter Litvinenko ulınıñ din tuğannarına räxmäten belderde. Litvinenko möselmança cirlände. Rusiä baş prokuraturası Litvinenkonıñ üleme uñayınnan “üterü” digän cinäyät eşe başlap cibärde. Prokuraturadan Litvinenko radíonurlanışlı nuqlid belän ağulanğan, dip belderdelär. Litvinenkonıñ ülü säbäplären tikşergän Britan belgeçläre, anıñ poloníy 210 belän ağulanuın açıqladı.

Londonda Litvinenqo belän oçraşqan eşquar Dmitri Kovtunda da nurlanış tabılğan. Şul uñaydan prokuratura “üterü niäte tırışlığı” digän cinäyät eşe başlap cibärgän.

XS
SM
MD
LG