Accessibility links

якшәмбе, 4 декабрь 2016, Казан вакыты 15:14

Amerikan jurnalistları Anna Politkovskayanı iskä aldı


Anna Politkovskayanıñ ülemenä inde 2 ay üttep kitte. Ämma anı iskä alu çaraları äle däwam itä. Dekaberneñ 6sına, Politkovskaya tuğan şähärdä, New Yortkta anıñ Amerikan dusları, anı yaxşı belän jurnalistlar ciyıldı

Anna Politkovskaya Könbatış cämğiäte öçen cit –yat keşe tügel. Anıñ mäqäläläre ingliz telenä daimi tercemä itelep kilde häm ul Quşma Ştatlar universitetlarında yış qına çığış yasıy torğan bulğan. New yörkta, düşämbedä ütkän oçraşuda, Anna Politkovskayanı, anı belän jurnalistlar, jurnallar möxärrirläre iskä aldı. Quşma Ştatlardağı “The Nation” jurnalınıñ möxärrire häm näşer itülüçe Katrina Venden Heuvel Anna Politkovska belän tanış bulğan. Ul anı bolay iskä aldı.

Anıñ yomşaq, yış qına sağ bulu manerı, anıñ jurnalist eşendä ğadelsezlek häm korrupsiä belän köräştä qurqusız bula aluında berençe qaraşqa ışandırmıy ide. Ul Çeçnädäge cinayätlär häm ezärlekläwlär turında qurqusız yazılğan reportajları aşa tanıldı. Häm närsä onıtıla, yatimnär yortları häm qartlarnıñ awırı xäle turında Anna Politkovskaya yaza başladı. Häm ul bik yaqın dus ide. Russiä Jurnalistlar berlege başlığı, anñ üleme turında xäbär taraluğa ber säğät ütkännän soñ, miña, ul qorbannarnı häm gazap çiğüçelärne yaqlawçı xatın-qız ide dip yazdı. Ul Grozniyıda çınnan da bik küp keşene ülemnnn qotqardı häm ul bernini säyäsi mänfägätlärdän tügel, küñele sorağança yazdı.

Rusça “Forbes” jurnalınıñ elekke baş möxärrire Poul Khlebnikovnıñ xatını Musa da Anna Politkovskyaya belän oçraşqan bulğan. Ul bolay söyli:

"Anna belän ütkän yıl oçraşqan idek, ul üzeneñ şulay ozaq yäşi aluına gäcäplängän ide. Ul eşeneñ qurqınıçın belä ide, ämma tuqtamadı. Ul cäberlänüçelärne kürsennär häm işetsennär dip teläde. Bu anıñ bik zur humanistik teläge ide."

Jurnalistlarnı yaqlaw komitetı wäkile (CPJ) Kati Martion, Politkovskaya, üzeneñ tormışın qurqnıç astında quyğan jurnalistlarnıñ berse ide, dide.

"Jurnalistlarnı yaqlaw kommitetı öçen Politskovsksya üleme gailäbezdäge yaqın keşene yuğaltu buldı. Min Annanıkı kebek qurqu belmägän jurnalistlarnı bik az beläm. Här waqıt oylären taşlap kitü belän riza bulğan, ülemnär belän oçraşqan ir-at häm xatın-qızlar alar. İrtän balaların übep alar sawbullaşalar, ämma kiçen alarnı alar kürä almasqa mömkin. "

“The New Yorker” jurnaliınıñ möxärrire häm Pultser büläge iäse David Remnick Anna Politkovskayanıñ Könbatışqata abuyı, Rusiädä anıñ turında bulğan qaraşlarnıñ näq kirese ide, dip bilgeläp ütte. "Bu bik zur ironiä, bu şartlarda kötelmägän närsä dä tügel, ul Könbatışta, Quşma Ştatlarda professional büläklärne ala ala ide. Ul Quşma Ştatlarğa kilep üzeneñ batırlığı, omıtılış köçe öçen büläklär ala ide. Häm soñıñnan oyenä qaytıp, ul üz xakimiäte tararfınnan qaraltıla alır ide."

Bikä Timerova
XS
SM
MD
LG