Accessibility links

җомга, 9 декабрь 2016, Казан вакыты 18:41

Açıq mikrofon: Elekke sovet respublikaları belän ber däwlät bulıp yäşär idegezme?


- Minemçä: telär idem. İldä mäsälän, sport buyınça da bik qatı üzgäreşlär kerterlär ide . SSSR zamanında futbollarda da gel berençe urınnarnı ğına ala torğan bulğannar. Ä xäzer soyuzdaş respublikalar taralğaç, sport buyınça da soñğı urınnarda barabız.

- Rusiägä soyuzdaş respublikalar kiräkmi, dip uylıym. Rusiä bolay da zur . Ekonomik yaqtan üsärgä keçkenäräk territoriä bulsa, yaxşıraq bulır ide.

- Elekke waqıtta tärtip bulğan. Xäzer döreslek yuq. Elekke waqıtlarnı qaytarsañ, äybät, yaxşı bulır ide.

- Menä eşsezlektän yöribez bit äle. Eş bette tora torğan cirdä . Elek alay eşkä aptırap yörmi torğan idek. Min İjevskiy yaqlarınnan.

- Soyuzdaş respublikalarnı kire qaytarıp bulmıy ülgändä dä. Ägär dä ul soyuzdaş respublikalar sostavındağı xalıqlar bezneñ belän yäşärgä telilär ikän, Rusiä däwläte belän quşılıp, ul waqıtta telär idem. Ägär dä ul soyuzdaş respublikalar bezneñ belän yäşärgä telämilär ikän, ul waqıtta, bilgele, xalıqnıñ üz bilgelänü xoquqı bar . Ul waqıtta alarnıñ üzläreneñ möstäkıyl' däwlät bulıp yäşäwe xäyerleräk.

-Telär idem. Çönki min şul sovet ileneñ ber respublikasınnan. Min Üzbäkstannan qayttım. Yaxşı yäşägän idek. Tuğannar monda da bar , anda da qaldı. Aqça yuq, telefon, internet belän genä aralaşabız. Üzem KAİda uqıym.

- Bik telär idem. Minem ulı xärbi. Ul Kazaxstanda. Ä min anıñ änise, Qazanda. Ğafu itegez, ägär berär närsä bulsa, ul mine kümärgä dä qayta almayaçaq.

-Minemçä, bolay yaxşıraq.

-Elekkege Soyuzdaş respublikalar belän talaşıp yäşäwne küräse kilmäs ide. Elekkege Estoniä Latviä Litva xäzer bötenläy başqa yunäleştä. Alar xätta NATOğa kerü yünäleşendä baralar. Turıdan-turı Rusiäne, şul isäptän bezne- Tatarstannı da, üzläreneñ doşmannarı itep kürälär . Bälki bezgä şulay kürsätergä genä telilärder, döresen genä äytkändä, belep tä beterep bulmıy bit.

Mälikä Basıyr

XS
SM
MD
LG