Accessibility links

шимбә, 3 декабрь 2016, Казан вакыты 16:57

WTOğa qabul itelü Rusiä xalqına närsä alıp kiläçäk?


Rusiäneñ Dönya säwdä oyışmasına kerüe, ilneñ xalqına, anıñ ayırım töbäklärenä närsä biräçäk? WTOğa kerü waqıtı äle tögäl bilgele bulmasa da, maşina tözüçe ere şirkät wäkilläre dä, awılda umarta totuçılar da inde borçıla başladı. WTO turında söyläşär barğada, nigezdä süz, Rusiäneñ towar häm xezmät kürsätü bozalarlarına çığuı turında bara. Rusiä, towar säwdäse mäsäläsendä 56 il belän, ä xezmät kürsätü ölkäsendä 27 il belän söyläşülär alıp bara. Kileşülär qabul itü äle tämamlanmağan, ämma Rusiäne WTOğa qabul itü şartları turında küpmeder mäğlümat bilgele inde.

Dönya säwdä oyışmasına kerü çik buyı tüläwläreneñ, yägni tamojnya salımnarınınıñ töşüen küz aldına tota. Ämma Rusiä, söyläşülär ütkärep, salımnarnı mömkin qädär saqlap qaluğa ireşä alğan.

Şulay itep, Rusiäneñ İktisadi üseş ministrılığı mäğlümatlarında qarğanda, WTOga qabul itelgäçtä ber tamojna salımı şul mizgeldä kimeäyäçäk. Kimesä dä, ayırım towarlar öçen genä häm ozaq waqıt eçendä, salımnarnıñ ber yıldan alıp 7 yılğa qädär waqıt eçendä töşüe mömkin.

Mäsälän, çittän spirt kertü öçen salım kimemiäçäk, yäğni çit il araqısınıñ bäyäse töşenä ömmetlänäse yuq. Anıñ qarawı, çit il şäräplärenenä salına torğan salım 3 yıl eçendä 8% töşär dip kötelä, konyaq häm şampan şäräpläre dä arzanraq bula başlarğa mömkin. Bu towar öçen tamojna tüläwläre 1 litrı öçen yartı evroga töşärgä tieş. Çit il darularınıñ bäyäse töşärgä mömkin, çönki alarnı kertkän öçen çik salımnarı 10% kimer dip kötelä. Meditsina cihazları öçen salım bötenläy bulmayaçaq ikän. WTOga kergännän soñ, 3 yıl ütügä, çit ildän kertelgän kopmputerlarğa da tamojna salımın beterü küz aldında totıla. Küplärneñ iğtibarın cälep itkän mäsälä, çit il maşinalarınıñ bäyäläre. Bu ölkädä dä salımınıñ töşüe kötelä. Urtaça 10%qa. Yäğni çit il maşinalarınıñ da arzanayu mömkinlege bar .

WTOga kergeç, Rusiägä çit il bankları kilep, Qazanda, Ufada, başqa zur şähärlärdä büläkçelären aça ala. Ul waqıtta begeçlär, bank protsentları töşär, dip kötä.

Dönya säwdä oyışmasına kerüneñ tiskäre yaqları da yuq tügel. Çik buyı salımnarınıñ töşüe , çittän kerterlgän häm ildä citeşterelgän şirktälär arasında köndäşlekne arttıra digän süz. Tatarstanda, Başqortostanda citeşterelgän äyberlär, çit ildä eşlägän şundıy uq towar belän köndäşlek itä alaçaqmı? Qayber belgeçlär, Rusiädäge şirkätlär inde xäzer uq, çit ildä citeşterelgän towarlar beläm köndäşlek şartlarında eşli, şuña kürä, WTOga kergännän soñ da xällär üzgärmäs, dip sanyı. Başqa belgeçlär, sıyfat yağınnan köndäşlek itä almağan farmatsevtik şirkätlärne ülem kötä, dip äytä.

Şul uq süzne oçqıç tözü sänäğäte turında da äytep bula. Bu ölkädä däwlät tarafınnan yaqlanğan şirkätlär genä saqlanıp qalaçaq di. Çit il öçqıçları öçen çik buyı salımnarı 7 yıl eçendä töşärgä tieş. Şul waqıt eçendä dönya bazalarına çığa alırlıq oçqıçlar yasalmasa, aviatsiä sänäğäte yäşäw belän ülem arasında qalaçaq, dip borçılu belderä iqtisadçılar.

Alar süzlärençä, azıq-tölek citeşterüçelär, awıl-xucalığında eşläwçelär çınnan da borçıla ala, däwlätneñ awıl xucalığına açalata yärdäme betsä häm çit ildän arzanlı azıq-tölek kilep cirle towarnı qısıp çığarsa, bu ölkädä xällär awır bulırğa mömkin.

WTOga kerüneñ uñay häm tiskäre yaqları turında iktisad belgeçläre törle qaraşta torsa, ber mäsälädä alar kileşä. Ğadi qullanuçığa WTOğa kerü sıyfatlı towar häm dönya däräcäsendäge siyfatlı xezmät kürsätü alıp kiläçäk.

Bikä Timerova
XS
SM
MD
LG