Accessibility links

чәршәмбе, 7 декабрь 2016, Казан вакыты 23:20

Wahapov festivale Qazanda tämamlandı


Şuşı könnärdä Qazanda Räşit Wahapov isemendäge II Xalıqara tatar cırı festivaleneñ yomğaqlaw konsertları tämamlandı. 8 häm 9 dekaberdä M.Cälil isemendäge opera häm balet teatrı säxnäsendä tatar cır sänğäteneñ iñ populyar cırçıları Räşit Wahapov repertuarındağı cırlarnı başqardılar. Wahapov isemendäge II xalıqara tatar cırı festivaleneñ yomğaqlaw konsertında Räşit Wahapovnıñ cırları belän başlanıp kitkän konsertı barışında anıñ tawışı berniçä tapqır yañğırap tordı. Häm konsert barışında törle töbäklärdä yäşäwçe tanılğan tatar cırçıların işetergä mömkin buldı.

Festival'dä Prezident Mintimer Şäymiev üze dä , TR Premyer ministrı urınbasarı Zilä Välieva da bar ide.

Cırçılar barısı da diärlek üz tawışları belän cırladılar.

Konsert azağında Räşit Wahapov isemendäge ictimaği- milli premiäneñ 2006 yılğı lawreatı iğlan itelde. Aña legendar cırçı Älfiä Avzalova layıq buldı.

Tatar estradasına nigez saluçılarnıñ berse Räşit Wahapovnıñ isemendäge festival'ne oyıştıru citäkçese direktorı Rifat Fättaxov, . festival'ne ütkärüneñ maqsatı turında bolay dide: “cırçı Räşit Wahapovnıñ isemen mäñgeläşterü häm anıñ icadi mirası ürnägendä tatar cır sänğäten kütärü”, - dide. Şulay uq ul “Uzğan yıl festival' ictimaği- mädäni çara bularaq oyıştırılğan bulsa, bıyıl aña däwlät statusın birelüe turında da äytte ul.

Bıyılğı festival' aprel' ayında cırçınıñ tuğan yağında Tübän Novgorodta başlanıp kitep, Tatarstannıñ rayonnarında, Başqortstanda, Ul'yan ölkäsendä, Çuaşstanda häm , Qazaxstan, Komi, Latviä, Germaniä illärendä barsa, kiläse yılda Wahapov festivale Törkiä, Qıtay illärendä, Rusiäneñ Perm häm Çiläbe ölkäläre dä quşılaçaq.

Bu dönyadan bik irtä kitkän cırçınıñ tawışı xalıq küñelendä mäñge qalaçaq. Räşit Wahapovnıñ üze isän çaqta yazdırılğan cırları muzıykal' tälinkälärdä saqlana.

Mälikä Basıyr

XS
SM
MD
LG