Accessibility links

сишәмбе, 6 декабрь 2016, Казан вакыты 17:10

Tatar kongressı yıllıq eşenä näticä yasadı


İke köngä isäplängän programma “Bügenge wäzğıättä tatar massaküläm mäğlümat çaraları” digän “tügäräk östäl” belän başlanıp kitte. Anda 60лап çittän kilgän tatar jurnalistları, tatar cämäğätçelege wäkilläre irken räweştä fiker alıştılar. “Tügäräk östäl”ne alıp barğan Rimzil Wäliev temalarğa yunäleş birep tordı

Sovetlar zamanında tatar telendäge ğazet-jurnallarnıñ ğomumi tirajı 2-3 million bula ide, xäzer ul yaqınça yartı million. Läkin xäzer bik küp kanallar, CD häm DVD barlıqqa kilde, yäğni struktura üzgärde. Bu xaqta kemneñ nindi fikerläre bar söylägez.

“Tügäräk östäl”dä äytelgän fikerlär şaqtıy törle buldı. Çönki härkemne törle problema borçıy. Ägär Udmurtiä, Ul'yanda tatar gazetaları uñışlı çığıp kilsä, Komida häm tağın küp töbäklärdä tatarça televidenie-radio tapşıruları, gazeta-jurnallar bötenläy yuq. “Tügäräk östäl”dä internet aşa mäğlümat alu, yäğni Tatarstandağı gazetalarnı internet aşa uqu, alarnı härdaim yañartıp baru mäs’äläse kütärelde. Monnan tış gazeta tirajlarınıñ kimüe, finans qıyınlıqlar turında äytelde. Monda İjau, Ul'yan, Sverdlau, Perm häm tağın küp kenä töbäklärdän tatar jurnalistları çığış yasadı. “Tügäräk östäl”dä äytelgän fikerlär 9 dekaber könne uzğan massaküläm mäğlümat çaraları komissiäse utırışında däwam itte. Älege utırışnı komissiä räise, “Yaña Ğasır” tele-radiokompaniäse citäkçese İlşat Äminov alıp bardı. Bilgele bulğança, bügenge köndä küp kenä millättäşlärebez Tatarstan häm tatarlar tormışı belän “Yaña Ğasır” kanalı aşa tanışıp bara, çönki gazeta-jurnallar ozaq barıp citä. Şuñadır millättäşlärebezneñ kübese “Yaña ğasır” tapşırularınıñ sıyfatı öçen borçıla bulıp çıqtı. Samaradan jurnalist Şamil Bahautdin

Bez Qazanğa ürnäk alırğa kiläbez, ä monnan sünep kitäbez. Ägär “Yaña Ğasır” kanalı yaqın tirädä milli tapşırularnı buldırmasa bez Tatarstan Prezidentı Mintimer Şäymievkä xat yullayaçaqbız.

Utırışta törle täqdim äytelde. İjaudan tatar milli mädäni moxtäriäte citäkçese İrek Şäripov

Bez salım tüläwçelär, şuña xakimiättän sorıy alabız.

İrek Şäripov fikerläre buldı. Ä Tübän Novgorodtan “Tuğan yaq” gazetası baş möxärrire Räwf Abdullin kadrlar kiräk dip belderde. Räuf Abdullin

Tel mäs’äläsen öyrätü öçen kurslar buldırılsın ide berniçä könlek bulsa da.

Ul'yannan Rämis Safin

Tatar tapşıruların kire Däwlät tele-radiokompaniälärenä qaytaru buyınça eşkä totınsaq ide. Federal' orğannarğa möräcäğät itsäk ide, çönki bu tatarlarnıñ xoquqların bozu bulıp tora.

Utırışta äytelgän fikerlär barısı da komissiä utırışınıñ qararına kertelde. Şul uq könne isä tatar kongressınıñ kiñäytelgän utırışı da uzdı. Anda Tatarstan Däwlät Şurası räise urınbasarı Rimma Ratnikova häm başqa citäkçelär qatnaştı. Kongress räise Rinat Zakirov ütkän yılğa näticä yasap eçtälekle çığış yasadı. Aldağı yılğı plannarğa kilep Rinat Zakirov

Kiläse yılğa küp çaralar kötelä. Aprel'dä tatar ğalimnäre forumın ütkäräçäkbez, ä avgustta kongressnıñ IV Qorıltayı bilgelängän.

Rinat Zakirovtan tış utırışta qayber yışmaları citäkçeläre üzläreneñ eşlägän eşläre turında bäyän ittelär. Azaqta härwaqıttağıça iñ zur xezmät kürsätkän millättäşlärebezne büläkläw tantanası uzdı.

Landış Xarrasova

XS
SM
MD
LG