Accessibility links

Кайнар хәбәр

Açıq mikrofon: 12 dikaber nindi bäyräm?


Sişämbe könne Rusiädä çirattağı bäyrämne bilgeläp ütälär. 12 dekaber – Rusiä konstitutsiäse köne. Älege bäyräm 1993 yıldan birle, 12 dekaberdä ilneñ töp qanunı referendum yärdämendä qabul itelgännän soñ bilgeläp ütelä başladı. da Xäyer, älege bäyräm Rusiäneñ töp qanunı qabul itügä bağışlansa da, bu kön menä inde ikençe yıl rättän räsmi räweştä bilgeläp ütelmi. Respublikada älege konstitutsiä köne ğädäti eş köne bularaq uzdı. 1993 yılda Rusiä konstitutsiäsen qabul itkändä, Tatarstan xalqınıñ bik az ğına referendumda qatnaştı. Däwlät Şurası räise Färit Möxämmätşinnıñ respublika xalqına möräcäğät itkän qotlawın isäpkä almağanda. Ä menä Qazan xalqı 12 dekaber nindi bäyräm ikänen xäterli mikän, bu könne bäyräm kön dip tanıymı?

Minemçä, bügen bäyräm. Çönki moña qädär 12 dekaber könne gel yal itä torğannar ide. Läkin soñğı yıllarda ğına yal itmi başladıq, läkin ul barıber bäyräm bulıp qala. Ul bit Rusiä konstitutsiäsen qabul itkän kön. Ul zur uq bäyräm bulmasa da, üzenä kürä ber data. Öydä bulmasa da, iskä alıp bilgeläp ütärgä kiräk dip uylıym.

12 dekaberdä – Rusiä konstitutsiäse köne. Läkin bäyrämgä oşamağan, ğädäti eş köne. Eleğräq bez konstitutsiä könen 5 dekaberdä bilgeläp ütä idek. Ul Stalin konstitutsiäse köne dip yörtelä ide. Menä ul könne bäyräm ide, ber keşe dä eşlämi, härkem yal itä torğan ide. Televizor-radiodan bäyräm konsertları bula ide. Ä xäzer ber dä bäyrämgä oşamağan.

Bu könneñ bäyrämme, yuqmı ikänen härkem üzençä xäl itä torğandır. Kemgäder Rusiä konstitutsiäse möhimräk, ä kemgäder Tatarstannıqı.

Minemçä, xäzer xalıqnıñ 12 dekaberne bäyräm itep qabul itmäwläre döres, çönki xäzer ul formal' ğına ide, konstitutsiä dä bit formal' ğına ütälä. Teoretik yaqtan ul bäyräm bulırğa tieş, ä menä praktik yaqtan konstitutsiä üze dä ütälmägäç anıñ yalı da bulırğa tieş tügel.

Küp keşelär öçen ul ğadi yal köne ide, anıñ kübese bu könne niöçen yal itkänen dä belmi ide.

Nindi bäyräm ikänen dä belmim, yaña yıl, 1 häm 9 may bäyrämnäre bar ikänen beläm. Ä başqalar bolay ğına.

Baştaraq yal itkäçten keşelär äle uylıy torğannar ide, ni xörmättän ikäneñ monıñ. Ä xäzer bu bäyrämne yal köne itep bilgeläp ütmägäçten, bu bäyräm turında bälki bötenläy onıtırlar.

Gölnaz Şäyxetdin

XS
SM
MD
LG