Accessibility links

шимбә, 3 декабрь 2016, Казан вакыты 07:50

Rusiä İslam universitetında yaña rektor


Rusiä İslam universitetı tiräsendäge ığı-zığı tınıp barğanda ğına qabat wäzğıät quyıra başladı – yaña rektor bilgelände. Döres äle ul räsmi räweştä tügel, ä wazıyfalarnı başqaruçı ğına bulıp tora. Ämma säyäsät fännäre doktorı Rafiq Möxämmätşinnıñ Rusiä İslam universitetı rektorı bulaçağı berkemdä dä şik tudırmıy. Çönki bu yunäleştäge imeş-mimeşlär inde berniçä ay däwam itte.. Çärşämbe könne isä Rusiä İslam universitetı oyıştıruçılarınıñ cıyını uzdı. Anda Mäskäwdän möfti Rawil Ğaynetdinnıñ urınbasarı Marat mortazin, Tatarstan möselmannarı Diniä Näzaräte räise Ğosman xäzrät İsxaqi, Ximayäçelär şurası räise Robert Musin häm inde añlaşılğança elekke häm yaña rektorlar qatnaştı. Bu çarağa bilgele ki härwaqıttağıça jurnalistlar kertelmäde. Cıyılış betkäç barı qunaq bulıp qına çaqırılğan Prezident Apparatı xezmätkäre Aleksandr Terent'yev yaña: - Yaña rektor möğayın ğinwar azağında bilgeläner Rusiä İslam universitetında soñğı waqıtta dönya fännärenä östenlek birelde, finans qıyılıqlar da şaqtıy ikkän – uqıtuçılar berniçä ay xezmät xaqı almağan digän süzlärne yış işetergä turı kilde. Bilgele ki, bu qatlawlı mäs’älälären İldus Zahidullin ğına xäl itep beterä almıy. Rusiä İslam universitetı uqıtuçılarnıñ da fikerläre törle. İslam fännäre bülege dekanı Möxämmät Malikov: - 6-7 ay inde ber urında taptanıp torabız, bernindi ğilmi utırışlar da uzmadı. Rektor barısın da üze genä xäl itä. Möxämmät Malikov fikerläre şundıy bulsa, universitetnıñ teologiä bülege dekanı Ğabdulla Şäñgäräev: - Bez 8 yıl buyı närsä uqıttıq programma buyınça şulay däwam itäbez. Dini yäki dönyawi fännär uqıtunı bez genä tügel ä ğalimnär xäl itä. Maxsus standartlar bar. Xezmät xaqı mäs’äläsendä dä gönah İldus Zahidullinda tügel bulıp çıqtı. Ğabdulla Şäñgäräev däwam itä: - Xezmät xaqı härwaqıt berniçä ayğa totqarlanıp kilde. Bez moña inde künekkän idek. Bügen rektor wazıyfasınnan alınğan İldus Zahidullin jurnalistlarğa fikeren belderergä telämäde. Yaña rektor säyäsät fännäre doktorı Rafiq Möxämmätşin Tatar ensiklopediäse institutı direktorı urınbasarı, Tarix institutında bülek citäkçese ide. Cıyılıştan soñ ul jurnalistlarğa bik teläp üz fikerlären citkerde. Rafiq Möxämmätşin: - Finans qıyınlıqlarnı xäl itäse bar. Bu yunäleştä İldus Zahidullin inde eş başlağan ide. Rafiq Möxämmätşin belderüençä, Rusiä İslam universitetı konsepsiäsen eşläw kiräk, çönki bügen äle uqu yortınıñ tögäl xoquqi statusı da bilgele tügel- dinime ul dönyawimı . Universitetnıñ diplomı da xakimiät tarafınnan tanılmıy. Landış Xarrasova

XS
SM
MD
LG