Accessibility links

дүшәмбе, 5 декабрь 2016, Казан вакыты 17:43

Ufağa UNESCO oyışması wäkile kilde


Ufağa Rusiä Federatsiäseneñ UNESCO eşläre buyınça komissiäneñ cawaplı särqätibeneñ berençe urınbasarı Ämir Biläletdinov eş säfärenä kilde. Kiläse yılnıñ közendä UNESCOnıñ Parijdağı ştab-fatirında Başqortstan Respublikası belän tanıştıru çarası uzarğa tieş. Ämir Biläletdinovnıñ Ufağa kilüe maqsatı – şul möhim oçraşuğa äzerlek barışı mäsälälären tikşerü.

Xörmätle qunaq belän söyläşülär Başqortstannıñ tışqı iqtisadıy bäyläneşlär, säwdä häm eşquarlıq ministrlıysında ütte. Oçraşunı ministr Qolbin açtı häm alıp bardı. Ul moña qadär dä Başqortstan belän tanıştıru maqsatında zur çaralarnıñ törle çit illärdä oyıştırılğanlığın äytte. “Şuña kürä dä xäzer täcribä bar, Parijda kiläse yılda bulaçaq çarağa äzerlek tä ciñelräk barır” – dide ul.

UNESCO wäkile Ämir Biläletdinov üzeneñ çığışında Başqortstanda üz oyışmasınıñ daimi komitetı eşçänlegenä uñay bäya birde. Tizdän mondıy komitetlarnıñ Tatarstanda, Çeçnyada häm Altay krayında da açılaçağın äytte ul.

Bügenge köndä Başqortstanda UUNESCO qaramağında 5 mäktäp eşli. Alarda belem aluçı balalar yaxşı ölgereş belän ayırılıp tora. Törle bäygelärdä, olimpiadalarda alar gel ciñü ayulıy.

XS
SM
MD
LG