Accessibility links

дүшәмбе, 5 декабрь 2016, Казан вакыты 05:30

Udmurtiä wäkilläre Kongress utırışınnan soñ fikerläşä


Ütkän atnada Qazanda tatar ictimaği oyışmalarınıñ 2006 yıl däwamında başqarğan eşlärenä yomğaq yasaldı, 2007 yılğa plannar qabul itelde. Şulay uq başqarma komitetnıñ mäğlümat çaraları komissiäseneñ dä utırışı bulıp uzdı. BTK başqarma komitetı çaqıruı buyınça yomğaqlaw utırışlarında Udmurtiädän dä küp kenä wäkillär, jurnalistlar qatnaştı. Alar arasında milli—mädäni avtonomiä räise İrek Şäripov, milli säyäsät ministlıgınıñ baş belgeç Fändüs Xucin häm başqalar.

Utırışlarda çığış yasawçılar Udmurtiä tatar milli oyışmaları tarafınnan başqarğan eşlärgä yaxşı bäya birdelär. Udmurtiädä tatar mäğlümat çaralarınıñ eşçänlege xaqında «Yañarış» gazetasınıñ baş möxärrire İrek Şäripov çığış yasadı. Ul Udmurtiädä bügenge köngä milli programmalar däwlät kanallarında saqlanıp qaluın, şul uq waqıtta cirle radio häm televizion kanalında da tatar tapşıruları barlıqqa kilüen, xättä balalar öçen ayırım tapşıru eşlänüen dä citkerde. Şul uq waqıtta Qazannan «Yaña ğasır» televizion programmaların da retranslyatsiäläü mömkinlege tudırıluın da bilgeläp ütte. «Yañarış» gazetasına byudjettan ağımdağı yılda ğına 3 million sum aqça bülenep birelüe dä Udmurtiä tatarları öçen ğädäti xäl bulsa, başqa regionnarda näşer itelüçe gazetalar öçen bu ğäcäyep san bulıp yañğıradı. Misal itep Orenburg ölkäsen kiterergä mömkin. Anda ike yöz meñläp tatar xalqı yäşi, tatar telendä radio, TV tapşırular efir programmasınnan töşep qalğan, yöz yıllıq tarixı bulğan «Yaña waqıt» gazetasına yılına byudjetta 600 meñläp kenä aqça birelä. Şul uq xäl Tömän, Ul'yan ölkälärendä dä.

Älbättä, Udmurtiädäge milli oyışmalarnıñ uñışlı eşlären bilgeläp ütüläre söyenderä, ämma respublikada yäşäwçe millättäşlärebezneñ ixtıäcların qänäğätländerü buyınça äle başqarası ğämällär bixisap, häm tatarlarnıñ milli tormışında ber urında taptanu da sizelä dip bilgeläde respublikanıñ milli säyäsät ministlıgınnan baş belgeç Fändüs Xucin.

Fändüs Xucinnı ayıruça mäğärif ölkäsenä qağılğan problemalar borçıy. Alarnı xäl itü buyınça Udmurtiädä Kongressnıñ başqarma komitetı utırışın biredä ütkärü yärdäm itär dip ışana.

Xämidä Ğayfullina, Udmurtiä

XS
SM
MD
LG