Accessibility links

якшәмбе, 11 декабрь 2016, Казан вакыты 13:09

Blair Törkiägä teläktäşlek belderde


Britaniä premier-ministrı Tony Blair, Törkiäneñ Yewropa Berlegenä kerüe öçen teläktäşlek belderep çığış yasadı. “Bez yewropalılar açıq bulırğa tieş. Ber ük waqıtta Törkiä Yewropa öçen açıq bulırğa tieş, ä bez Törkiä häm Tönyaq Qıprıs öçen. Şulay itep bez üz arabızdağı mönäsäbätlärne cayğa salu mömkinlege buldırabız”,- dide Blair.

Britaniä premierı bu süzlärne Törkiä xökümäte başlığı Räcäp Ärdogan belän bulğan söyläşüdän soñ Änqaradağı mätbuğat oçraşuında äytte. Blair qabat Törkiäne Qıprıs köymäläre häm oçqıçları öçen üz portların häm hawa alannarın açırğa çaqırdı. Bu täläpne ütämägängä Yewropa Berlegeneñ Bryusseldäge sammitında Törkiäne berlekkä alu söyläşülären öleşçä tuñdıru qararı qabul itelde. Ärdogan bu qararnı “ğädel tügel” dip belderde. “Qızğanıçqa qarşı Törkiäneñ Yewropa Berlegenä kergän illär belän 40 yıllıq xezmättäşlege ikençe däräcädäge problemağa- portlar açuğa äylänep qaldı. Söyläşülärne tuqtatu qararı Törkiägä qarata “ğädel bulmağan” mönäsäbätne belderä”,- dide Ärdogan.

XS
SM
MD
LG