Blair Ğiraq xökümätenä teläktäşlek belderde

Britaniä premer - ministrı Tony Blair Nurıy Äl-Mäliki citäkçelegendäge Ğiraq xökümätenä teläktäşlek belderde. Blair yäkşämbe könne kötelmägän säfär belän Bağdadqa kilde. Ğiraq premerı belän söyläşüdän soñ bulğan mätbuğat oçraşuında ul: “Töbäktäge illärneñ barsı da Giraqqa, anıñ xalqına häm demokratiägä teläktäşlek beldersen öçen bez abruyıbıznı qullanunı däwam itergä tieş. Giraq premerına, anıñ xökümätenä häm xalıqqa yärdäm itü BMO rezolutsiäse belän raslanğan citdi burıç. Min bu yulda alğa taba barırğa cıyınam häm xalıqara cämäğätçelek tä şulay eşlär dip ışanam”-, dide. Nurıy Äl-Mäliki üz çiratında cawap itep: “Säyäsi maqsatlarıbızğa ireşüdä uñış kitersen öçen törle yullarnı qarağaç, bez töbäk illäre yärdämeneñ kiräk buluı turındağı näticägä kildek”,-dide. Bügen Bağdadta politsiä kiemendäge qorallı suğışçılar törkeme Qızıl yarımaynıñ 13 xezmätkären urlağan. Kürüçelär äytüençä, qorallı suğışçılar oyışma binasına bärep kerep, andağı xezmätkärlärne, saqçılarnı häm kilüçelärne alıp çığıp, maşínağa utırtıp qaçıp kitkän.

Qızıl yarımaynıñ Bağdadtağı wäkile Mazen Abdulla urlawçılarnı kiçekmiçä urlanğan keşelärne azat itergä çaqırdı. Qorallı suğışçılarnı häm urlanuçılarnı ezläw däwam itä.