Accessibility links

сишәмбе, 6 декабрь 2016, Казан вакыты 20:59

Abbasnıñ ber tän saqçısı üterelgän


Yäkşämbe irtän Gäzzä sızığında Fälästin avtonomiäse başlığı Mäxmüt Abbasnıñ tän saqçıları öyränü urnına höcüm bulğan. Abbasnıñ ber tän saqçısı üterelgän, berniçä keşe yaralanğan. Bu xälne kürgän fälästin xärbie: “Prezident gvardiäseneñ öyränü urnına granata atqıçlardan höcüm ittelär. Nindi döreslek turında süz bulırğa mömkin? Mäxmüt Abbasnıñ qararı qaya? Prezident qararı? Höcümnär tuqtarğa tieş!”,- dide. Şulay uq bügen Gäzzä sızığında bilgesez keşelär Fälästin avtonomiäse tışqı eşlär ministrı, XÄMÄS äğzäse Mäxmüt Äz-Zähärneñ maşínasına höcüm itkän. Ber kemgä dä zıyan kilmägän. Şimbä kiç XÄMÄS häm “Fatx” yaqlılar arasında bäreleş waqıtında ber keşe üterelde, kimendä 15 keşe yaralandı. Xökümättäge XÄMÄS Fälästin başlığı Mäxmüt Abbasnıñ waqıtınnan elek saylawlar ütkärü çaqıruına qarşılıq belderep çığış yasadı. Abbas avtonomiädäge xäzerge säyäsi krizista XÄMÄS-ne gäyepläp çıqqan ide.

XS
SM
MD
LG