Accessibility links

сишәмбе, 6 декабрь 2016, Казан вакыты 20:55

Peterburda “kukuruza” barıber tözeläçäk


Peterburgta tözeläçäk “Gazprom-siti” tiräsendä yaz köne başlanğan ığı-zığı waqıt- waqıt qızıp ala. Xalıqta, şähärneñ kürenekle keşeläre , nihayät, arxitektorları arasında bu mäs’älägä qaraş törle, qarşılar da citärlek. Ermitaj direktorı Mixail Piotrovskiy, Rusiä arxitektorları berlege prezidentı Yuri Gnedovskiy, mäsälän, qatği qarşı. Şulay bulsa da, şähär başlıqları öçen bu inde xäl itelgän mäs'älä : Peterburgta “Gazprom-siti”bulaçaq. Newa yarında, Smol'nıyğa qarşı ğına, Oxta digän eşçelär rayonında, elekke “Petrozavod”urınında öç yöz metr bieklektäge ofis binası tözeläçäk. Döresräge, zur ber kompleks top-menedjerlar öçen toraq binaları, qunaqxanä, säwdä üzäge belän.

Ay başında gubernator Valentina Matvienko häm “Gazprom” räise Aleksey Miller qatnaşlığındağı komissiä binanıñ proektın da saylap aldı.Ul zamança ütäkürenmäle, ciñel materiallardan eşlänäçäk kukuruz çäkäne bulaçaq . “Bu äle proekt üze tügel, barı tik arxitektura konsepsiäse genä, proekt üze may-iyün aylarına äzer bulaçaq,sezgä citkererbez, kiñäşläşerbez”, -dip tınıçlandıra xalıqnı gubernator. Valentina Matvienko “dönyada öçençe, Rusiädä berençe urınnı totqan şirkätne” administrativ üzägen Peterburgta tözergä rizalaştıra aluı belän bik qänäğät.”Soñğı utız yılda aqça , iğtibar citmäw arqasında yaraqsız xälgä kilgän infrastrukturanı byudjet aqçasına ğına tärtipkä kiterep bulmıy. Anıñ öçen byudjet aqçası kim digändä biş tapqır artığraq bulırğa tieş. Ä bu mömkin tügel, şulay bulğaç, “Gazprom” kebek zur investorlarsız Peterburgnıñ tormışın cayğa salıp bulmayaçaq”,- dip ışandıra Valentina Matvienko.

Ä inde bulaçaq ofisnıñ urınına kilgändä,“Gazprom” kebek kompaniä anı şähär qırıyında tözergä berqayçan da rizalaşmas ide, bez üz çiratıbızda tarixi üzäkne dä birä almıybız. İke yaqnı da qanäğätländerä torğan variant –Oxta , “Petrozavod”-depressiv rayon, şähärneñ qiäfäten bozıp qına tora”,-di gubernator. “Gazprom ”ul zavodnı cirläre belän xucasınnan satıp ta alğan inde.

Ägär sez “Gazprom” ul üzäkne üz aqçasına tözider inde inde disägez, yalğışasız. “Kukuruza” byudjet aqçasına tözeläçäk, yäğni “Gazprom” şähär qaznasına tüläyäçäk 7 milliard sum nalognıñ altısın şähär alarğa kire qaytarıp birergä wäğdä itkän.Şähär qaznasında infrastrukturanı tärtipkä kiterergä “Gazpromnıñ” yılına ber milliard qına nalogı qala baraçaq.

Xalıq fikerenä dä qolaq salıyq äle.Mönirä xanım Moratova uyınça, “Gazprom” xäyerçelärdän tügel, üz aqçasına da sala alır ide ofisın, ä byudjet aqçasına kommunalkalar problemasın, öleşçä genä bulsa da , xäl itep bulır ide. İlsöya Ğolubeva Oxta rayonın yaxşı belä , qayçandır ul anda eşlägän .Zamança biznes -üzäk tözesälär, Oxtağa, anda yäşäwçelärgä faydağa ğına bulaçaq dip sanıy ul.İlsöya proyektnı da kürgän, oxşatqan.

Rişat äfände şähär urtasında bar tarixi binalardan dä biek qorılma buluğa qarşı, “Smol'nıy “arxitektura kompleksı yuğalıp qalaçaq di ul.

Şağirä Wiliä xanım : “Şähärdä yaña binalar tözelergä , şähär yañarıp torırğa tieş. Tik baylar anı üz aqçalarına tözergä tieş, nalog xisabına tügel.”Gazprom-siti”ğa kitäçäk aqçanı kommunal' bäyälär üsüne totqarlar öçen qullanıp bulır ide”,- dip sanıy Wiliä xanım.

Gölzadä Kamalova, Sankt-Peterburg

XS
SM
MD
LG