Accessibility links

сишәмбе, 6 декабрь 2016, Казан вакыты 18:58

Tatar tele häm ädäbiäte uqıtuçıları forumı


Bu forumda Qazannıñ 7 rayonı mäktäplärendä tatar tele häm ädäbiäte uqıtuçıları qatnaştı. Barlığı 300ләп keşe buldı. Ul säxnä tulı balalarnıñ “Tuğan tel cırın” cırlaw belän başlanıp kitte.

Şähärneñ mäğärif idäräse citäkçese İldar Ğaliäxmätov ta küplärne ğäcäpländerep tatarça çığış yasadı. Balıq başınnan çeri di, dimäk kiläçäkkä ömet bar. Şulay uq forumda Tatarstan Däwlät Şurası deputatı Tufan Miñnullin, Tatarstan mäğärif häm fän ministrı Räis Şäyxelislamovnıñ qatnaşuı da forumğa yuğarıraq tösmer birde. Nik digändä, elek rayonnarda uzğannarında kübräk mäğärif häm fän ministrınıñ bülek citäkçelärennän yuğarıraq wazıyxlardağı keşelär bulmadı. Şulay uq monda tatar kongressı citäkçese Rinat Zakirov, Mäğärifne üsterü institutı başlığı İlsur Hadiullin da bar ide.

Şähärneñ mäğärif idäräse citäkçese İldar Ğaliäxmätov problemalarnı urap uzıp, kübräk tarixqa küz salsa, Tufan Miñnullin Rusiädä xalıqlarnı sortlarğa bülep qaraw näticäsendä bez bik küp närsälär yuğalttıq dide. Şulay uq şähär cirlärendä üz telennän bizderelgän tulı ber buın barlıqqa kilde häm bügen mäktäplärdä şularnıñ balaları uqi dip belderde, yäğni ata-analar üzläre öyränmägän telne balalarına öyrätergä telilär. “Bez älege ixtıäcnı kütärep alıp, fänni nigezgä salıp öyränergä tieşbez. Bu, berençe çiratta, mäktäp burıçı”, - dip belderde Tufan Miñnullin. Ul uqıtuda törle kirtälär bulsa, alarnı qanunğa nigezlänep ciñärgä kiräk dip assızıqladı.

Bilgele ki, Qazanda milli mäğäriftä törle waqıtlar buluı äytelde. Bu uzğan forumnarnıñ barısına da diärlek bik aktiv qatnaşqan Ministrlar Kabinetınıñ mädäniät häm Tatarstan xalıqlarınıñ tellären üsterü bülegeneñ baş kiñäşçese Firaya Şäyxieva.

Russiä külämendä milli tellärne saqlap qalu mäs’äläsen kütärde. Ul Mäskäwdä Yevropanıñ töbäk telläre häm azçılıq telläre turındağı xartiäseneñ tikşerelüen äytte häm bu dokument buyınça tatar teleneñ töbäk telläre rätendä kerü mömkinlege barlığın belderde. Monıñ öçen xartiäne qarağanda Rusiä subyektlarınıñ täqdim belän çığuı ğına кирәк. Bu үз çiratında tatar teleneñ däräcäsen arttıruğa ber yul bulır dip көтелә.

Forum qısalarında Çallı şähäre 44 urta mäktäbeneñ yuğarı kategoriäle uqıtuçısı, uqıtu-metodik komplektlar avtorı Rozaliä Niğmätullina rus balalarına tatar telen häm çit tellärne oyışqan töstä öyrätü täcribäsen täqdim itte. Bu kübesen qızıqsındırdı.

13 mäktäptä belem aluçı rus balaları saf tatar telendä Şäwäli belän Kirlemänneñ yul yörü qağidäläre buyınça imtixan birüen surätläde. Forumda qatnaşuçılarnı, bilgele inde, başqa millät balalarınıñ tatar telen ni öçen öyränergä teläwe qızıqsındırdı. Kübräk duslar tabu, aralaşu ixtıäcı öçen dip añlattı balalar. Landış Xarrasova.

XS
SM
MD
LG