Finländiä premerı Matti Vanhanen Belarustağı avtoritar rejimnı gäyepläp, anı “Yewropa yözendäge yara cöye” dip atadı. Vanhanen Bryusseldä ileneñ Yewropa Berlegenä räislege betü uñayınnan çığış yasap: “Yewropa Berlegeneñ zurayuı uñışlı bara. Berlekkä quşılırğa teläwçelärgä ul härwaqıt açıq. Bezneñ şartlarnı ütäwçelär öçen quşılu real' äyber. Törkiägä kilgändä, bu eştä totqarlıq barlıqqa kilsä dä, prespektiva şulay uq qala. Qızğanıçqa qarşı, Finländiä Yewropa Berlegenä räislek itkändä, berlekneñ Rusiä belän xezmättäşlek kileşüen imzalap bulmadı. Min söyläşülärne kiçekterü ozaqqa sızılmas dip uylıym”,- dide.
