Accessibility links

сишәмбе, 6 декабрь 2016, Казан вакыты 06:05

Udmurtiädän xacğa baruçılar sanı arta


Möselmannar bu könnärdä izge säfärgä - Ğäräbstanğa xac qılırğa cıyına. Ber-ike distä yıl elek Udmurtiädä yäşäwçe din qärdäşlärebezgä här möselman keşese öçen izge bulğan cirlärgä ayaq basu tormışqa aşa almaslıq xıyal bulsa, bügen yıraq säfärgä barırğa mömkinlege bulğan keşelär sanı arta bara. Ağımdağı yılnıñ ğinwarında Udmurtiädä yäşäwçe ike distädän artıq möselman Xac ğämällären tulısınça ütäp qayttı. Bu xaqta «Azatlıq» radiosın tıñlawçılarına citkergän idek. Bıyıl Mäkkägä säfär qıluçılar sanı tağın da artqan. Alar inde öç distädän artıq, dip söyenep urtaqlaştı İjau Cämiğ mäçete imamı Faiz xäzrät Möxämmätşin.

Xacğa baruçılar ay däwamında mäçetkä maxsus däreslärgä yörgän. Däreslärdä alarğa tulısınça bu ğibädätne ütäw qağidälären, tieşle doğalarnı öyrätkännär. 19 dekaberdä alar barısı da bergä yıraq yulğa çığarğa niätlilär.

Xacğa kitüçelär arasında törle yäştäge din qärdäşlärebez bar. Ämma küpçelege 60 yäştän uzğan äbi—babaylar. Alar arasında beräw dä nindider käsep belän şöğellänmi, üzläreneñ pensiä aqçalarına, häm berniçäse balalarınıñ matdi yärdäme nigezendä bara, dip urtaqlaştı Faiz xäzrät.

Xämidä Ğayfullina, Udmurtiä

XS
SM
MD
LG