Accessibility links

Sarıtawda yäş möselmannar qorıltayı uzdı


Sarıtawda uzğan yäş möselmannar qorıltayında Semberdän İldar Usmanov qatnaştı. Närsä kürgän, işetkän, nindi täesirlär alıp qaytqan soñ ul annan?

“Tügäräk öställärdä” citdi söyläşü bulğan. Alda torğan iñ zur problemalar – qatnaş nikaxlar arqasında assimilyatsiäneñ köçäyüe, telebezneñ qullanışı tarayuı, globalizatsiä şawqımı astında milli üzañnıñ eri baruı ayıruça borçuğa sala. Ä bu faktorlarğa qarşı toru öçen yäşlär arasında ruxi, mädäni häm fizik baylıqnı nığıtu. Fizik digäne - tän baylığı, sälämätlek. Sarıtawda bu öç yünäleştä dä yarıysı ğına ürnäk ğämällär bar: yäşlär dingä tartıla, üzeşçän sänğat''kä zur iğtibar birelä – törle konkurslar, KVNnar uzdırıla, tatar yäşläreneñ futbol komandası 2-nçe ligada berençe urınnı bili…

Şundıy uñışlar belän tanışu alardan ürnäk alırğa da etärgeç birä ala. İldar Usmanov nindi eşlär başqarırğa kiräklegen kürdem, di. İñ berençe burıç – Yäşlär oyışmasın tudıru. Moña Qazan yegete Ruslan Aysin da yärdäm wäğdä itkän. Häm İldarnıñ Pedagogiä universitetında tarix fänen öyränüçe Rafail Dävätäev belän oçraşuın bu eşçänlektä berençe adımı dip sanarğa buladır.

İldar Sarıtawda başqa ürnäk alırlıq närsälär dä kürep qaytqan. Sarıtaw Avtonomiäse räise Qamil Äbläzewneñ barlıq çaralarğa da matdi yärdäme turında härkem soqlanıp häm ğorurlanıp söyli. İñ oşağanı – Sarıtawnıñ Tatar gimnaziäsendäge tärtip. Başqa mäktäplärdän ayırmalı bularaq, anda bernindi eteş-törteş, tawış-çabış yuq: barısı da tınıç, tıynaq. Storoj sıyfatında da oyıqbaş bäyläp utıruçı aqayulıqlı äbi - qorallı OMONçı tügel. Häm uquçılar arasında da üzara tınıç häm märxämätle möğämälä.

Ayrat İbrahim, Sember

XS
SM
MD
LG