Accessibility links

Кайнар хәбәр

“Söyembikä” jurnalı 80 yıllığın bilgeläde


M. Cälil isemendäge opera häm balet teatrı binasında “Söyembikä“ jurnalı üzeneñ yubiley kiçäsen uzdırdı. 80 yıllıq tarixında ul “Azat xatın”iseme belän dä bik tanılğan jurnal ide. Ä yañartıp qoru çorında ul yañadan üz isemenä qaytıp “Söyembikä”isemen yañadan yauladı. 15 meñ tirajı bulğan tatar xatın- qızları öçen berdän ber tatar telendä çığıp kilüçe jurnalnıñ yubiley kiçäsenä Rusiäneñ törle töbäklärennän bik küp qunaqlar kilgän ide. Yubiley kiçäsendä jurnal xezmätkärläre jurnalnı aldıruçılar , häm jurnalnı uquçılar belän qızıqlı oçraşular oyıştırdılar.

Yubiley uñayınnan “Söyembikä“ jurnalınıñ xezmätkärlären, jurnalnı uquçılarnı respublika citäkçeläre dä , Tatmedia agentlığınnan da, tatar kongressınıñ başqarma komitetınnan da qotlarğa kilgännär ide. Kiçäne alıp baruçılar tatarlar yäşägän küp kenä çit illärdän kilgän qotlaw telegrammaların uqıp tamaşaçığa citkerdelär. Alar arasında Törkiädän - professor Nadir Däwlätneñ, Amerikadan Vil Mirzayanovnıñ qotlaw süzläre yañğıradı.

Yubileyğa Rusiäneñ törle töbäklärennän dä, Qazaqstannan da, xätta Qıtaydan da qunaqlar kilgän ide.

80 yıllıq tarixı bulğan Söyembikä“ jurnalınıñ bik matur traditsiäse bar – “Söyembikä” jurnalı, üzeneñ jurnal uquçılarına häm jurnalğa yazuçılarnıñ iñ xörmätle xatın-qızlarına “Söyembikä beläzege” tapşıra.

“Söyembikä beläzege” bıyıl TR Premyer ministrı urınbasarı, mädäniät ministrı Zilä Wälievağa , tanılğan jurnalist Liä Zahidullinağa häm Ästerxanda yäşäwçe “Söyembikä dip atalğan tatar -törek ictimaği oyışması citäkçese Nailä Poteevağa tapşırıldı.

Ä jurnalnıñ 80 yıllıq yubiley çarasında iñ istä qalğan mizgel, ul jurnalnıñ yäştäşe, qatlawlı yazmışlı Zahida apa belän oçraşu buldı. Yıl başında uq iñ berençelärdän bulıp “Söyembikä”gä yazuçı 80 yäşlek Zahida apa, - 11 ul üstergän ğorurlanırlıq ana.

Balaları inde xäzer üsep citep üzläre şähärdä yäşäsälär dä, awıllarında mäçet saldırğannar.. Awılğa qaytqaç bergä oçraşırğa dip , ike qatlı zur yort tözegännär. Alar Tatarstannıñ Yaña çişmä rayonınıñ bik keçkenä Sünçä baş awılınnan .

“Söyembikä”jurnalı xezmätkärläre maxsus Zahida öçen Alekseevski fabrikasında “Bilär” ostalarınnan quldan, 15 metr ozınlıqtağı aş'yaulıq tuqıtqan bulğannar. Şul aşyawlıqnı zalda utırğan Zahida apağa tapşırdılar. Häm alarnıñ ğailäläreneñ 80 keşe täşkil itkänen äyttelär. Ä Zahida apa Söyembikä jurnalı xezmätkärlärenä matur itep bizälgän çäk- çäk büläk itte. Kiçädä jurnalnıñ yäşlär öçen maxsus çığarıla torğan “Asılyar” quşımtasınıñ geroyları da säxnädä çığış yasadılar. “ Jurnalnıñ yäşe olığaya barsa da, jurnal uquçıları yäşärä bara”, dip şatlığı belän urtaqlaştı jurnalnıñ baş möxärrire Firaya Bädretdinova. Mälikä Basıyr .

XS
SM
MD
LG