Accessibility links

сишәмбе, 6 декабрь 2016, Казан вакыты 17:16

Yärdäm kürsätelä, xäyerçelär ürçi tora


Belgeçlärneñ mäğlümatlarına qarağanda, bügen dönya xalqınıñ dürttän ber öleşe fäqirlektä yäşi. Citäkçelär alışına, zamana üzgärä, inde küp kenä illär iqtisadi qıyınlıqlarnı ciñep, tormışın şaqtıy yuğarı däräcägä kütärde. Monnan 10 yıl elek Berläşkän millätlär oyışması xäyerçelekne beterügä bağışlanğan programmalar da qabul itkän ide. Ämma xäyerçelär sanı kimemi. BMO fäqir dip yäşäw öçen in kiräkle resursları bulmağan keşene sanıy. Bu isä aqçasızlıqnı ğına añlatmıy. Moña yaxşı eş, uñaylı toraq, yaxşı belem häm meditsina yärdämen alırğa mömkinlek bulmaw da kerä.

Rusiädä fäqirlär dip yäşäw minimumınnan da azraq aqça aluçılarnı sanıylar. Älege minimumğa keşegä yäşäw öçen iñ kiräkle bulğan - toraq-kommunal'' xezmätlär, transportqa häm aşamlıqlarğa tüläwlär kerä. Ul urtaça 2 meñ 800 sumnı täşkil itä. Yäğni, ğailä byudjetında ber keşegä yäşäw minimumınnan da azraq aqça turı kilsä, mondıy ğailäne fäqir dip atarğa bula. Tatarstanda mondıy ğailälärneñ sanı 120 meñgä yaqın. Fäqirlär eşläwçelär, pensionerlar arasında da az tügel. Bilgele, alarğa quyılğan yäşäw minimumı ayırıla. Eşlägän keşe öçen älege minimum 3 meñ sum tiräse bulsa, pensionerlarğa - 2 meñgä dä tulmıy.

Bu keşelärneñ tormışın beraz ciñeläytü öçen nindi çaralar kürelä soñ? Tatarstannıñ sotsial'' yaqlaw ministrınıñ yärdämçese Ence Minhacewa söyli:

Taşlamalarnı bezdä 600 meñnän artıq keşe ala. Alarnıñ 400е bu aqçalata yärdämne Rusiädän alsa, qalğan 200 - Tatarstannan. Alarğa 450 - 500 sum tülänä. Monnan tış az keremle ğailälärgä material'' yärdäm kürsätäbez. Qayber ğailälärgä bu yärdäm yılğa ber märtäbä elägä, ä qayberlärenä ay sayın. Şulay itep, bez fäqir keşegä şaqtıy yärdäm itäbez dip äytergä bula.

Respublikanıñ sotsial'' yaqlaw ministrınıñ yärdämçese Ence Minhacewanıñ mäğlümatlarına qarağanda, yärdäm kürsätelep kilsä dä, xäyerçelär sanı ürçi tora.

Albina Zäynulla

XS
SM
MD
LG