Accessibility links

якшәмбе, 11 декабрь 2016, Казан вакыты 11:05

Yewropa Berlegeneñ Liviä mäxkämäse qararına açuı kilä


Yewropa Berlege citäkçelege Liviä mäxkämäseneñ bolğarstanlı 5 şäfqät tutaşı häm fälästinle tabipqa ülem qararı çığaruına açuı kilgänlekne belderde. Yewropa komissiase wäkile Johannes Laitenberger: “Bu qarar räis Barrozanı häm Yewropa komissiasen tetränderde. Alar, Yewropa Berlegeneñ böten citäkçelege kebek, bu qararnı gäyepläp çıqtı. Yewropa komissiäse, berlekneñ nindi genä oçraq bulmasın ülem cäzasına kisken qarşı ikänlegen belderä. Komissiä xäzer bu eş yuğarıraq däräcädä qaralır dip ömetlänä. Bez, yuğarıraq mäxkämä yärdäme belän ğädellek ciñüenä ışanabız”,- dide.

Bu şäfqät tutaşları häm tabip xastaxanädäge balalarnı SPİD belän zararlawda gäyeplängän. Alarnıñ advokatları eşne Liviä Yuğarı mäxkämäsenä tapşırırğa cıyına. Könbatış, Liviä xastaxanäläreneñ qotoçqıç xäldä buluı arqasında, gäyep çit il mediklarına awdarılğan, dip sanıy. Tabiplar 7 yıl inde saq astında. Alar 2004 yılda ülem cäzasına xökem itelgän ide. Ul waqıtta Liviä Yuğarı mäxkämäse yaña tikşerü ütkärü qararı çığardı.

XS
SM
MD
LG