Accessibility links

дүшәмбе, 5 декабрь 2016, Казан вакыты 21:48

Açıq mikrofon: Eşquar bulırğa telär idegezme?


İşetüegezçä, respublika eşmäkärläreneñ çirattağı qorıltayında şäxsi biznesnıñ törle problemaları qaraldı. Ä menä ğadi qazanlılar arasında üz biznesın açıp cibärergä teläwçelär barmı ikän? Bulsa, ni öçen älege yunäleştä eşlämilär?

Telär idem. Tik älegä başqa eşem bar. Eşmäkär bulu öçen başlanğıç kapital kirek. Ägär ul bulsa, bälki berär närsä açıp bulır ide. Qurıqqan urmanğa da kermäs ide,dip äytälär bit, şuña kürä min dä qurıqmıym. Teläsäñ eşliseñ bit inde anı, anıñ öçen sindä azart xise bulırğa tieş.

Min bik teler idem eşquar bulırğa, ägär mine berärse arttan etep torsa, ägär berärse yuridik yaqtan fikerläre, täcribäse belän urtaqlaşsa. Aları bulsa, eşquar bulır idem. Üz eşeñne başlap cibärü öçen, minem östän berär yärdäm itüçem bulırğa tieş.

Yuq, minem xolqım andıy tügel şul. Eşmeqer bulu öçen bit ütken, yöräkle keşe bulırğa kiräk. Aqça belän eş itkändä dä, yöräkle bulu kiräk.

Eşmäkär bulu telägem bar, ämma älegä tügel. Çönki älegä min uqim. İkençedän, min qaysı biznes tarmağın saylawımnı tögäl genä belmim äle. Şulay uq berençel kapitalnı da alırğa kiräk bit äle. Boları bulsa, min ber qurıqmıyça üz eşemne başlap cibärer idem.

Älbättä eşquar bulırğa telär idem. Bügenge köndä minem aqçam bulsa, min hiçşiksez berär kiosk açqan bulır idem inde. Barısı da şul aqçağa barıp totaşa şul. Anıñ arendası öçen dä tülärgä kiräk, uramğa da berniqädär öleş çığarırğa kiräk, kiosksız qalasın kilmäsä. Häryäklap qısalar inde.

Eşquar bulırğa telämim dä, bula da almas idem. Çönki ul zur riskka qorılğan. Başlanğıç kapital buldırırğa, kemnänder burıçqa aqça alıp torırğa kiräk bit inde. Ä min anı buldıra almıym.

Güzäl Zıyätdinova.

XS
SM
MD
LG