Accessibility links

шимбә, 10 декабрь 2016, Казан вакыты 06:05

Çallı sänäğäte Rusiä ministrı iğtibarında


Bügen Çallığa Rusiäneñ iqtisadıy üseş häm säwdä ministrı urınbasarı Andrey Şaronov kilde. Anı Däwlät Duması Räise urınbasarı, Çallıdan saylanğan deputat Oleg Morozov häm Tatarstan Respublikası Premyer-ministrı Röstäm Miñnexanov ozata bardılar.

Däräcäle qunaqlar “ KAMAZ” citeşterü mäydannarında eşläwçe “Master” industriä parkında buldılar, biredä urnaşqan keçe häm urta predpriätielär eşe belän tanıştılar, arendaçılar tarafınnan üzläşterelä torğan yaña urınnarnı qarap çıqtılar. Soñınnan alar jurnalistlarnıñ sorawlarına cawap birdelär.

Röstäm Miñlexanov – bu industriä parkın tözeşkän keşelärneñ berse. Biregä qabat kilü maqsatları turında ul bolay dide: “Citeşterü kul''turasın tağın da üsterergä, yaña texnologiä cihazları satıp alu öçen mömkinleklär tudırırğa kiräk. Ä bolar däwlät yärdämennän başqa mömkin tügel. Dimäk, tağın da tırışaçaqbız, çönki bez häryaqtan köndäşlek sälätenä iä bulırğa tieşbez”.

Rusiäneñ iqtisadıy üseş häm säwdä ministrı urınbasarı Andrey Şaronov äytüençä, industriä parkın üsterü proyektı federal'' ministrlıq bulışlığına layıqlı: “Tatarstanda federatsiä tarafınnan finanslanuçı berniçä üseş proyektı bar inde, – dide ul. – Texnoparkta citeşterü mömkinlekläre tağın da yuğarıraq bulırğa tieş, digän fiker belän kileşäm. Başlanğan eş däwam itärgä tieş. Tatarstan ürnäge iğtibarğa layıqlı, “KAMAZ”kebek zur kompaniä eşçänlegendä wağraq iärçen predpriätielär dä qatnaşa, alar ere zavod öçen kiräk bulğan produktsiä citeşterä, yaña eş urınnarı buldıra. Bu isä böten yaqlar öçen dä faydalı. “KAMAZ” standartlarına iärep, keçe häm urta predpriätielär baştan uq yuğarı texnologiälärne üzläşterergä tieşlär. Tatarstan häm Rusiä xökümätläre monıñ öçen kiräk bulğan infrastrukturanı buldıraçaqlar, şul isäptän finanslar buyınça da”.

Ğafiulla Ğaziz,Çallı

XS
SM
MD
LG