Däülät Dumahınıñ üźäk menän Tatarstan arahında wäkälättärźe büleşeü turahındağı ike yaqlı kileşeüźe qabul itergä aşıqmauı Başqortostan säyäsmändären dä borsouğa hala. Sönki Qazandan huñ Başqortostan da Mäskäü menän bulğan ike yaqlı kileşeüźe oźaytıu buyınsa doqumenttar äźerläy başlağaynı. Prezident Mortaza Räximov uqazı menän maxsus qomissiya la oyoştorolğaynı. Başqortostandan Däülät dumahındağı deputat Mansur Äyüpov köslö töbäktärźeñ üźäk menän mönäsäbättärźe kileşeü nigeźendä qorouı qonstitutsiyağa qarşı kilmäy tigän fekerźä. Unitar däülät qorabıź tip bar töbäktärźe lä tigeźläü, qeüätle respubliqalarźı başqalar menän ber rätkä quyıu kire höźömtä birä tigän fekerźä Mansur Äyüpov.
Üźäk mäğlümät saraları yaźıuınsa, Duma deputattarınıñ berehe Andrey Sawelew Räsäy federatsiyahınıñ qayhılır ber töbäk menän kileşeü töźöüe mäğänäheźlek tip beldergän. Unıñ fekerensä ayırım subekttarźa däülät suwerenitetı xaqında tezis küserep yaźılğan. Putin tuqtatırğa mataşqan oşo mäğänäheźlek höźömtähendä eske respubliqalarźa etnoseparatizm barlıqqa kilä. Kileşeüźär töźöp beź däülätselekteñ tarqalıuına barabıź tip iśäpläy Andrey Sawelew. Tatarstandıñ kileşeü xaqındağı proektın dumağa tapşırıuın ul ildeñ bötönlögönä qul huźıu tip tä atağan. Mansur Äyüpov bıl fekerźe töptö döröś tügel tip iśäpläy.
Şulay itep töbäktär menän kileşeüźär bulırmı huñ. Berźäm Räsäy firqähe deputatı Mansur Äyüpov unıñ ıñğay bulırına ışana. Bıl– qonstitutsiya mexanizmına tura kilgän berźän–ber ısul. ‡ź– üźen üśtereügä yöklämä alğan töbäktär üźäk menän mönäsäbättären kileşeü aşa qororğa teyeş tine deputat Mansur Äyüpov Azatlıq radiohı xäbärseheneñ horauına.
