Accessibility links

Кайнар хәбәр

Dönya cämäğätçelege Törkmänstanda tınıçlıq bulır dip ömetlänä


Törkmänstan prezidentınıñ ülemenä qarata dönyanıñ reaksiäse ber yaqlı tügel, ämma kübesençä, dönya cämäğätçelege, Törkmänstan xalqı Niazov ülemmenän soñ kiläçäk çorğa şoma ğına küçär digän, ömmetne belderä.

Dönya citäkçeläre Niyazov ülemenä reaksiäne beldergändä, s/zl''rne ülçäp kenä saylıy. Quşma Ştatlarnıñ Aşğabattağı wäkile Andrew Paul bolay di.

“AQŞ ilçelege prezidentların yuğaltqan Törkmänstan xalqınıñ qayğısın urtaqlaşa. İlçelek şulay uq, xaqilimiät tınıç, şoma, konsitutsion yul belän alışınır, dip ömmetlänä.”

Yevropa Berlege süzçese Emma Udwin “Azatlıq”qa tübändäge fikerene belderde:

“Bez Prezident Niyazovnıñ kinät üleme turında bügen irtän beldek. Bez xakimiät konstitutsiä häm qanunnarğa turı kiterep tapşırılır, dip ömmetlänäbez. İl başına yaña citäkçe kilgäç, Törkmänstan demokratiägä taba borılır dip ömetlänäbez.” Rusiä Tışqı eşlär ministrı Sergey Lavrov wäzğiätne bolay bäyli:

“Törkmänstanda xakimiätne tapşıru eşe qanunıy töstä barır, bezneñ illär arasında mönäsäbätlär däwam iteleçäk, yaña citäkçelek Törkmänstan watandaşları , anda yäşäwçe bar xalıq, Rusiä belän mönäsäbättlär , Üzäk Aziä töbägendä totrıqlıq faydasında eşlär, dip ömmetlänäbez.”

Rusiä säyäsätçese, Duma deputatı Vladimir Jirinovskiy bolay dip belderde:

Ul Törkmänstanğa tulısınça turı kilä torğan idärä itü yulın sayladı. Törekmänstan belän başqaça idärä itep bulmyı. Ul saylağan standart belän xalqınıñ 90% qänäğät buldı.”

Törkiä Törkmänstan xalqınıñ ğayğısın urtaqlaştı. Tışqı eşlär ministrı Abdullah Gul, Ankara Törkmänstannıñ bilgesezlekkä töşeüen küregä telämäs, ide dip belderde. Üzbäkstan tışqı eşlär ministrı, qayğı urtaqlaşıp telegram cibärergä ciyınabız, kümüdä bezneñ wäkillär qatnaşaçaq, dide. Parijda urnaşqan Çiklärne tanımawçı xäbärçelär oyışması Törkmänstannı irekleklär birergä çaqırdı. Elsa Vidal söyli:

“Niyazov ülgännän soñ, Törkmänstanda almaşqa kilgän xakimiätneñ, Törkmänstannıñ 5 meñ xalqı irekleräk ildä yäşär öçen tirän üzgäreşlär yasaw zorurlığın assızqlarga telibez. Bez xakimäittä bulğan keşelärne, xazer uq barlıq jurnalsitlarnı häm säyäsi totqınnarnı törmälärdän çığarırğa soryıbız”

Swetsiädä yäşäwçe törkmän oppozitiäse wäkile Parakhad Yıklımov, Törkmänstanda oppozitsiä yuq, alar barısı da törmälärdä yäki oylärendä totqarlanıp yata, ämma çittä oppozitsiä bar häm qaytırğa ciyına, dip belderde.
XS
SM
MD
LG