Rusiä Yuğarı mäxkämäse Çeçnyänıñ 4 qorallı suğışçısınıñ, 2 yıl elek İnguşetiädäge mäktäpkä höcüm äzerläwdä gäyebe bulmawnı rasladı. Bıyıl febraldä İnguşetiä Yuğarı mäxkämäse, cämägät mäxkämäse qararı nigezendä, häm 2004 yılda respublikanıñ militsiä xezmätkärlärenä höcüm itüdä gäyepläp, alarnı 17 yılğa qatı tärtiptäge törmägä yabu qararı çığarğan ide. Şul uq waqıtta cämägät mäxkämäse wäkilläre alarnı “terrorçılarnıñ östämä törkeme” eçendä, 2004 yılnıñ 1 sentäberendä Nesterovski awılındağı mäktäpkä höcüm äzerläwdä gäyeple tügel dip tanığan ide. Gäyepläw belderüençä, ägär Beslan mäktäben qulğa töşerü barıp çıqmasa, qorallı suğışçılar bu terror ğämälen tormışqa aşırırğa tieş bulğan.
