21 dekaber kiçendä bulğan "Altın yöräkle keşe" bäygese näticäläre buyınça şul mäğlüm buldı,aldağı yıllardağı kebek KamAZ direktorı Kogogin,KBK citäkçese Titov,ipi kombinatı direktorı Yunıysov h.b. ere berläşmä generallarınıñ isemnäre berençe bulıp äytelde.Şulay da bıyıl ber üzençälekle üzgäreş buldı.Alda äytelgän magnat-metsenatlar belän säxnägä şäxsi eşmäkär dä kütärelde.Ul Aqsubay yağında tuıp-üskän,xazer Çallıda yäşäwçe Marat Ğarifullin.Ul 2006 yılda 9 balalı ber ğailägä 35 meñ sumlıq madti yärdäm kürsätkän,Çallı cırçıların 2 tapqır üz xisabına Qazanğa "Cırlıyq äle" tapşıruına alıp barğan,Çallı teatrı artistlarına "Qazan utları" jurnalın yazdırğan,Başqortostan artistların qarşı alu,çäy eçerü häm ozatu çaraların oyıştırğan.Bıyıl M.Ğarifullin xäyriä eşlärenä 200 meñ sumnan artıq aqça totqan.Bu oçraqta xäyriä yärdäme kürsätkän predpriätie citäkçelärennän Marat äfände şunısı belän ayırıla,ul,kesäsenä kergän aqçanı moxtaclarğa birä.Älbättä kesägä kergän aqçanı taratu ciñel tuğelder.Monı añlaw öçen M.Ğarifullinnıñ tormış fälsäfäsen belik:
-Xäyriä aqçaların çığarıp birü ciñel bulmasa da ,birgändä küñel räxätlege,qanäğätlek xisläre kiçeräseñ.Bu-keşe,ir-yeget bulunı kürsätä.Şuşı närsä aldağı eştä köç birä.Äye,moxtaclarğa mömkin qädär yärdäm itäm, "Yuq" dip äytergä yaratmıym.Läkin qayberäwlärgä äytergä turı kilä.Keşe ğärip tügel ikän,ul eşlärgä sälätle.Körändä dä äytelä:Sin,taza-saw kileş soranıp yörgänçe,bar urmanğa,cıy ağaç,şunı sat,aqça eşlä...
"Altın yöräkle keşe" bäygeseneñ "Soñğısı belän büleş" nominatsiäsendä laureat bulğan Marat Zäynulla ulına mondıy sorawnı birdem:
-Üzegezneñ ğailägez dä zur ikän.Aqçanı xäyriä çaralarına birügä xatınığız,tuğannarığız niçek qarıy?
Cawap:Ğailä,tuğannar tieşle däräcädä tä'min itelgän bulsa,moxtaclarğa yärdäm qulı suzunı alar añlıy.
Ğafiulla Ğaziz, Çallı
