Bügen Çistay şähärendä Saxalinnan alıp qaytılğan xärbi Rail Bikmöxämmätov cirlände. Tatar-inform mäğlümat agentlığı xäbär itüençä, tabutnı alıp qaytqan xärbilär Railneñ atası belän dä oçraşmıyça, anı vokzalda perronda qaldırıp kitkännär. Xoquq yaqlawçılar süzlärenä qarağanda, mondıy oçraqta, xärbilär tabutnı ülgän keşeneñ tuğan şähärenä kiterergä, cirle xärbi komitetqa qağäzlären tapşırırğa, häm ata-anası belän söyläşergä tieş. 18 yäşlek Rail Bikmöxämmätov 14 yün könne xärbi xezmätkä alınğan bulğan. Yartı yıl xezmät itkännän soñ, 13 dikaber könne anıñ mäyeten ağaçqa asılınğan kileş tapqannar. İke cinäyät eşe açılğan.
