Accessibility links

сишәмбе, 6 декабрь 2016, Казан вакыты 15:14

Rässamnar berlegenä 70 yıl tuldı


Şimbä könne Qazanda Tatarstan Rässamnar berlegeneñ Kürgäzmälär zalında älege icadi berlekneñ 70 yıllığına bağışlanğan zur kürgäzmä açıldı. Ekspozitsiädä Tatarstannıñ sınlı sänğät mirasın täşkil itkän rässamnar xezmäte häm respublikanıñ bügenge kön rässamnarı icatları urın aldı.

Kürgäzmäne açu tantanasında Tatarstan Prezidentı Mintimer Şäymiev, Premyer-ministrı urınbasarı - mädäniät ministrı Zilä Välieva, Qazan merı İlsur Metşin häm Surikov isemendäge Mäskäw däwlät sänğät akademiäse rektorı Niqolay Solomin, icadi berleklär citäkçeläre qatnaştı. Kiçädä Mintimer Şäymiev cirle sınlı sänğät üseşenä zur öleş kertkän rässamnarğa däwlätneñ maqtawlı isemnären tapşırdı. Rässamnarğa respublika mirasınıñ nigezen täşkil itüçe icatları öçen räxmät süzlären citkerde häm rässamnar berlegenä däwlät isemennän avtobus büläk itte.

XS
SM
MD
LG