Törkmänstannıñ yuğarı qanun çığaru buını sanalğan Xalıq Mäslixäte sişämbedä Aşğabadta ütkän ğädättän-tış utırışta kiläse prezident saylaw könen xäl itte. 2 meñ yarım çaması wäkil qararnı ber tawıştan xupladı.
"Äydägez bu saylawlarnı 11 Fivralgä bilgelik häm alarnı yuğarı däräcädä ütkärik, min şulay bulır dip ışanam" dide Üzäk Saylaw komissiäse räise Murat Qarrıev.
Cıyınnıñ kön tärtibendä Konstitutsiägä üzgäreşlär kertü, prezident saylawları turındağı qanun kebek başqa möhim mäsälälär dä bar. Törkmanbaşı isän çağında bu qanunnarnıñ kiräge yuq ide.
Törkmanstanda soñğı prezident saylawları 1992 yılda ütte. Berdän-ber namzät Saparmurat Niyazov, räsmi sannarğa kürä, tawışlarnıñ 99.5 protsentın cıydı.
Şunnan soñ başqa saylawlar bulmadı. Şul uq yılda tözelgän Xalıq Mäslixäte Niyazovnıñ prezidentlığın ozaytıp qına tordı. Axır çiktä ul ğömerlek prezident dip iğlan itelde.
Uzğan atna yöräk awıruınnan wafat bulğan Törkmanbaşı üzennän soñ säyäsi buşlıq qaldırdı, anıñ ber warisı da yuq, üz tiräsendäge keşelären ul daimi alıştırıp tordı.
Xäzer töp sorawlarnıñ berse – Törkmänbaşı urınına kem däğwa itäçäk?
Sişämbedä Xalıq Mäslixäte prezidentlıqqa berençe namzätlär kürsätä başladı. Här namzät tawışqa quyıla, tawışlar quldan sanala, şul säbäple bu eş aqrın bara. Niyazov çorında bu mäşäqätlärneñ kiräge yuq ide, qararlar bertawıştan qabul itelä ide.
Aşğabadtan kilgän xäbärlärgä qarağanda, 6 namzät raslanğan, şul isäptän, Niyazov wafatınnan soñ waqıtlı citäkçe itep bilgelängän premier-ministr urınbasarı, Sälämätlek ministrı Qorbanguli Berdımuxamedov ta bar. Küzätüçelär anı töp däğwaçı dip sanıy.
Törkmanstannıñ sörgendäge oppozitsiäse berdäm namzät kürsätäçägen belderde. Töp oppozitsiä köçläreneñ berse – Berläşkän Demokratik oppozitsiä törkeme üz namzäte itep oppozitsiäneñ küptänge aktivistı Nurbirde Nurmamedovnı atadı. Ämmä elekke Tışqı eşlär ministrı, xäzer oppozitsiä wäkile Avdı Kuliev radiobızğa äytüençä, Nurbirde Nurmamedov qayadır yuqqa çıqqan:
"Bez bügen ul qulğa alınğan dip işettek. Anı taba almıybız, qayda ikänen belmibez. Anı 23ndä totqarlağannar, tuğannarına qayda ikänen äytüçe yuq" dide oppozitsiä wäkile Avdı Kuliev.
Ul arada oppozitsiäneñ tağın ber wäkile Watan xäräkäte citäkçese, xäzer Şvetsiädä yäşäwçe Xodaybirde Orazov, İnterfax agentlığına, üzeneñ berdäm namzät ikänen äytte. Bu xäbärne respublikan partiäse citäkçese Nurmöxämät Xanamov ta rasladı.
Törkmän räsmiläre isä oppozitsiä wäkilläre ilgä qaytsa alar şunduq qulğa alınaçaq dip kisätte.
Törkmän oppozitsiäse Yewropa Berlege, Rusiä, Quşma Ştatlarğa möräcäğät itep, Törkmanstanda demokratik saylawlar ütkärüdä yärdäm itergä çaqırdı.
Tabiğıy yağulıqqa bay bulğan Törkmanstandağı wağziätne küp kenä illär xäzer zur iğtibar belän küzätä.
Ali Ğilmi
"Äydägez bu saylawlarnı 11 Fivralgä bilgelik häm alarnı yuğarı däräcädä ütkärik, min şulay bulır dip ışanam" dide Üzäk Saylaw komissiäse räise Murat Qarrıev.
Cıyınnıñ kön tärtibendä Konstitutsiägä üzgäreşlär kertü, prezident saylawları turındağı qanun kebek başqa möhim mäsälälär dä bar. Törkmanbaşı isän çağında bu qanunnarnıñ kiräge yuq ide.
Törkmanstanda soñğı prezident saylawları 1992 yılda ütte. Berdän-ber namzät Saparmurat Niyazov, räsmi sannarğa kürä, tawışlarnıñ 99.5 protsentın cıydı.
Şunnan soñ başqa saylawlar bulmadı. Şul uq yılda tözelgän Xalıq Mäslixäte Niyazovnıñ prezidentlığın ozaytıp qına tordı. Axır çiktä ul ğömerlek prezident dip iğlan itelde.
Uzğan atna yöräk awıruınnan wafat bulğan Törkmanbaşı üzennän soñ säyäsi buşlıq qaldırdı, anıñ ber warisı da yuq, üz tiräsendäge keşelären ul daimi alıştırıp tordı.
Xäzer töp sorawlarnıñ berse – Törkmänbaşı urınına kem däğwa itäçäk?
Sişämbedä Xalıq Mäslixäte prezidentlıqqa berençe namzätlär kürsätä başladı. Här namzät tawışqa quyıla, tawışlar quldan sanala, şul säbäple bu eş aqrın bara. Niyazov çorında bu mäşäqätlärneñ kiräge yuq ide, qararlar bertawıştan qabul itelä ide.
Aşğabadtan kilgän xäbärlärgä qarağanda, 6 namzät raslanğan, şul isäptän, Niyazov wafatınnan soñ waqıtlı citäkçe itep bilgelängän premier-ministr urınbasarı, Sälämätlek ministrı Qorbanguli Berdımuxamedov ta bar. Küzätüçelär anı töp däğwaçı dip sanıy.
Törkmanstannıñ sörgendäge oppozitsiäse berdäm namzät kürsätäçägen belderde. Töp oppozitsiä köçläreneñ berse – Berläşkän Demokratik oppozitsiä törkeme üz namzäte itep oppozitsiäneñ küptänge aktivistı Nurbirde Nurmamedovnı atadı. Ämmä elekke Tışqı eşlär ministrı, xäzer oppozitsiä wäkile Avdı Kuliev radiobızğa äytüençä, Nurbirde Nurmamedov qayadır yuqqa çıqqan:
"Bez bügen ul qulğa alınğan dip işettek. Anı taba almıybız, qayda ikänen belmibez. Anı 23ndä totqarlağannar, tuğannarına qayda ikänen äytüçe yuq" dide oppozitsiä wäkile Avdı Kuliev.
Ul arada oppozitsiäneñ tağın ber wäkile Watan xäräkäte citäkçese, xäzer Şvetsiädä yäşäwçe Xodaybirde Orazov, İnterfax agentlığına, üzeneñ berdäm namzät ikänen äytte. Bu xäbärne respublikan partiäse citäkçese Nurmöxämät Xanamov ta rasladı.
Törkmän räsmiläre isä oppozitsiä wäkilläre ilgä qaytsa alar şunduq qulğa alınaçaq dip kisätte.
Törkmän oppozitsiäse Yewropa Berlege, Rusiä, Quşma Ştatlarğa möräcäğät itep, Törkmanstanda demokratik saylawlar ütkärüdä yärdäm itergä çaqırdı.
Tabiğıy yağulıqqa bay bulğan Törkmanstandağı wağziätne küp kenä illär xäzer zur iğtibar belän küzätä.
Ali Ğilmi