Accessibility links

якшәмбе, 11 декабрь 2016, Казан вакыты 13:07

Belarus belän Gazprom gaz bäyäse turında kileşä almadı


Mäskäwdä kiläse yılda Belarusqa tabiği gaz satu bäyäse turında söyläşülär ütkärgän Belarus xakimiätläre belän Gazprom üzara kileşügä ireşä almadı. Gazprom ägär dä Minski kiläse yılda xäzergedän 4 märtäbädän dä kübräk, meñ kubometrında 200 dollar tülämäsä Belarusqa gaz cibärüne tuqtatu belän yanıy. Şulay da Gazprom süzçese Sergey Kupriyanov ägär dä Belarus däwlät qaramağındağı gazütkärgeçneñ 50 protsentın Gazpromğa tapşırsa gaz bäyäsen 110 dollarğa qädär töşerü mömkin bulaçaq dip belderde. Gazprom räise Aleksey Miller bu söyläşülärdä çişeleş Belarus qulında dide. "Waqıt tiz ütä häm bezneñçä bu xäldä, yıl azağında, äle dä kileşü imzalanmağanda cawaplılıq tulısınça Belarus yağında. Çönki Gazprom häm Rusiä Federatsiäse Belarusqa iñ qulay şartlarnı täqdim itte häm bu täqdimnär qabul itelerlektän dä yaxşıraq" dide Miller.

XS
SM
MD
LG