Accessibility links

шимбә, 10 декабрь 2016, Казан вакыты 17:37

“Qazan yegetläre” Ästerxanda bulıp qayttı


Cırçılar yaña yıl aldınnan törle çaralarda qatnaşa. Tatarstannıñ xalıq artistı Salawat, mäsälän, Qazan törmäsendä bulıp qayttı. Koloniädä toruçı balalar öçen cırçı muzıqa qoralları, sport cihazları büläk itte. Häm ike säğätlek häyriä konsertın da quydı. Salawat koloniädäge balalarğa: minem sezneñ yañğa kilüem soñğı bulmasın, ämma sezneñ monda kilüegez soñğı bulsın digän telägen citkerde. Şulay itep, Salawat Yaña yıl aldınnan törmädä cırlasa, ä menä “Qazan yegetläre” törkeme bu könnärdä genä Ästerxanda bulıp qayttı. Alar bäyräm aldınnan millättäşlärebezgä üzläyerneñ konsertların büläk itte.

Cırçılar, artistlar, ğomumän icat keşeläre bäyrämnär aldınnan eşsez utırmıy. Yaña yıl aldınnan bigräk tä. Törle konsertlar, çığışlar, gastrol’lär, kiçälär bu aralarda ayıruça küp bula. Xäzer isä bezneñ artistlar Tatarstanda ğına tügel, çit töbäklärdä dä çığışlar yış qına yasıy. Menä Qazan yegetläre törkeme dä şundıylardan. Şuşı könnärdä genä alar Ästerxan şähärennän qaytıp töşte. 24 dekaber könne alar anda zur konsert belän çığış yasağanar. Äytergä kiräk, Ästerxandağı millättäşlärebez, alarnıñ tormışı turında bezdä mäğlümätlär ällä ni yuq. Andağı tatarlarnıñ xäle belän qızıqsınu, Tatarsrtannan anda baruçılar da küp tügel. Şuña da Ästerxanğa Qazan yegetläre barıp, çığış yasawı, andağı millättäşlärebezgä bik zur bäyräm büläge bulğan. Yegetlär üzläre dä konserttan bik qänäğät qalğan. Bu xaqta Azatlıq radiosı tıñlawçılarına Azat Adiev häm Marat Ğälimov söylädelär.

“Meñnän artıq keşe cıyılğan ide zalda. Xalıq bik cılı qarşı aldı. Ästerxannıñ dan totqan balıqların kürep, aşap qayttıq. Bu inde ästerxan şähärendä yäşäwçe tatarlar öçen tatar xalqına yaña yıl aldınnan häm Qorban ğayıtenä büläk buldı dip äytergä bula. Ğadättä çittä tatar konsertları keçkenä genä klublar da uza torğan ide, ä monda şundıy zur zalda uzdı u konser şunsı söenderde. Tamaşaçı cır betkän sayın bik nıq itep qul çaptı. Räxmät äytä-äytä billär awırtıp bette. ”

Äytergä kiräk, Qazan yegetläre çit töbäklärdä yış qına çığışlar yasıy. Bıyıl bez bigräk tä küp yördek, di alar.

Äytergä kiräk, bıyıl bez cäy köne Saban tuy waqıtında küp kenä çit töbäklärdä buldıq. Tatar kongressı yärdäme belän bez çit töbäklärdä yäşäwçe tatarlar belän tanışabız, dönyanı küräbez. Här barğan cirdä duslaıbız qala. Menä inde 2008 yılda Ästerxanda federal' Sabantuy uzaçaq bezne şunda da çaqırıp qaldılar. Bez törle illärgä yörergä, säyäxät itärgä bik tä yaratabız. Häm bu soñğısı bulmastır dip uylıybız.

Şulay itep, Qazan yegetläre törkeme Qazanda yäki Tatarstandağı konsertlar belän genä çiklänmi, ä başqa cirlärdäge millättäşlärebezgä dä üzläreneñ çığışların bik şatlanıp täqdim itä.

Gölnaz İlgizär

XS
SM
MD
LG