Accessibility links

дүшәмбе, 5 декабрь 2016, Казан вакыты 01:25

Oleg Morozov: "Berdäm Rusiä" 15 yıl çaması xakimiättä bulaçaq


27 dikaberdä Çallınıñ xakimiät binasında Däwlät Duması räise urınbasarı Oleg Morozov matbuğat konferensiäse ütkärde. Anıñ süzlärennän kürengänçä, älege matbuğat konferensiäse anıñ yıllıq eşlägänlegenä xisap bulıp tora, şul uq waqıtta aldağı yılda Däwlät Dumasına bulaçaq saylawlarğa äzerlek tä.

Morozov äfände xakimiät firqäse bulğan "Berdäm Rusiägä"gä bügen ciñel tügel, ildä alıp barılğan säyäsät öçen näq şuşı firqä wäkilläre cawap birä, dide. Ä menä oppozitsiägä kigändä, ul bar da, yuq ta.

Demokratiä turında da süzlär buldı. Morozov bu sorawnı üze kütärde. Çit illärdä Rusiädäge demokratiäneñ qısıluı, räncetelüe, betüe turında söylärgä yaratalar, dide ul häm törle illärdä demokratiä qimmätläreneñ törleçä tormışqa aşırıluına işarä yasadı. Rusiädä xäzer "suveren demokratiä" digän töşençä modağa kerep bara. Min suveren demokratiä yaqlı, dide Morozov.

Deputat Morozov "Berdäm Rusiägä" firqäse ğömer buyı xäkimlek itmiäçäk, Dumada ozaq yıllar küpçelekne dä täşkil itmäs, läkin, bezneñ firqä 15 yıl çaması xakimiättä bulaçaq, dip belderde.

Birelgän sorawlar arasında, xezmät xaqınıñ tübän buluı da äytelde. Morozov äfände qısqa ğına itep mondıy cawapnı birde:

"Naçar tawar citeştergän öçen xaqı da naçar bula. Qaywaqıtta keçkenä xezmät xaqı öçen oyalırğa da turı kilä."

Ğafiulla Gaziz, Çallı

XS
SM
MD
LG