Accessibility links

шимбә, 10 декабрь 2016, Казан вакыты 17:51

Narkomaniä awılda da tamır cäya başladı


İnde berniçä yıl Tatarstanda narkomaniä belän wäzğıät şaqtıy totrıqlı saqlana. Xäyer, bu narkomannar artmıy digän süz tügel. Şulay da un yıl elek yıl däwamında alarnıñ sanı 20 %qa artıp torsa. Xäzer awırular 3-4 märtäbägä kimede. Tatarstanda äf'yun äyläneşen kontrol'dä totuçı federal' xezmät idäräseneñ yıllıq utırışında da süz şul xaqta bardı. Älege cıyılış respublikanıñ premyer-ministrı Röstäm Minnexanov qatnaşında ütte. Miñnexanov respublikada 2002-2006 yıllardağı narkomaniä belän köräşkä bağışlanğan programma bik citdi näticälär birde dide. Premyer äytüençä, Tatarstan programması federal' üzäk tarafınnan uñay bäya aldı häm ildä iñ yaxşılardan sanala.

Bügen Tatarstanda narkomannar sanı 8 meñnän arttı. Bu räsmi sannar. Ä terkälmägännäre tağın da kübräk. Qazannıñ “Preodolenie” dip atalğan narkologiä üzägeneñ psixologı Lyutsiä Şamağinağa awırular sanınıñ kimüe bik sizelmi:

Narkomannarnıñ kimüen min şäxsän ber dä toymadım. Küp alar. Bezdä urınnar citmi xätta. Çiratta toralar.

Psixolog 20 yılğa yaqın narkomannar belän eşli. Alarnıñ üzägendä 18 yäştän alıp 40-50 yäşleklär däwalana. Aralarında ruslar da, tatarlar da, äzerbäcän, tacik, başqa millät wäkilläre dä şaqtıy küp. Lyutsiä Şamağinanı soñğı aralarda awıl xalqınıñ äf'yun belän mawığuı bik borçıy:

Elek gel şähär xalqı däwalanırğa kilä ide. Xäzer menä küzätäbez rayonnardan, awıl cirennän kilgän yegetlär-qızlar şaqtıy. Balıq bistäse, Çüpräle, başqa küp kenä rayonnardan kilälär.

Xäyer, äf'yun qullanuçılar barlıq rayonnarda da bar digän süz tügel. Mäsälän, Apas, Qaybıç, Ätnä häm Älki rayonnarında ber genä dä narkoman yuq dip isäplänä. Şulay itep äkrenläp bulsa da, äf'yun belän mawığuçılar sanı arta. Narkomaniädän tulısınça qotılu bik qatlawlı. Çönki monda keşeneñ yäşäw räweşe, yäşäw şartları bik möhim urın alıp tora:

Küp oçraqta säbäbe anıñ keşeneñ sotsial' xäle naçar buluında. Tormışta maqsatı, qimmätläre bulmağannar bu päräwezgä elägä. Häm narkomannar arasında mul tormışta yäşäwçelär dä az tügel.

Аl'bina Zäynulla

XS
SM
MD
LG