Accessibility links

пәнҗешәмбе, 8 декабрь 2016, Казан вакыты 09:02

Açıq mikrofon: Yaña yıl bäyrämendä xämer eçärgä cıyınasızmı?


- Min üzem xokkeist keşe. Yaña yıl bäyrämendä Şampan şärabı inde, häm ansı da çiklängän külämdä. Berençedän 31 dekaber Qorban bäyräme. Minem belüemçä, andıy könne spirtlı eçemleklär bötenläy yaramıy. Ä Rusiädä, üzegez belgänçä, aña qaramıylar inde. Bäyräm könne östäl mul bulırğa tieş. Äytem dä bar bit :“Yaña yılnı niçek qarşılıysıñ , şulay ütkäräseñ” .Östälneñ neçkäleklärenä kilgändä kompot çiädän , qarlığannan bik quyı bula. Yözem, kürägä, örek kompotları faydalı häm bik yaxşı. Şulay uq çäy inde. Ansı bik tabiği.

- Kokteyl''- “Otverкa”- araqı häm apel''sin soğın bermä -ber quşıp butap. Bigräk tä xatın-qızlarğa da täqdim itäm.

Min üzem bik yaratmıym spirtlı eçemleklär eçärgä. Yaratam çäy eçärgä natural soqlar. Äni äzerlägän törle kompotlar. Çiä häm alma kompotın bik yaratam. Änineke tämleräk häm bik sıyfatlı kibetlärnekenä qarağanda. . – Su, limonad, ciñel genä qızıl şärab. Bez eçä torğannardan tügel.

-Min üzem eçärgä bik yaratmıym. Ber ike ryumka kon''yak, şul citä. Yaña yıl bäyräme belän Qorban bäyräme bergä turı kilgäne bulğanı yuq ide äle. Nişlärgä dä belmim xätta, nişlärgä soñ?.Çınlap ta monda uylanırğa bik tä mäcbür bulasıñ .

- Min muzıkant keşe. Yäş waqıtta şuşı Yaña yıl bäyrämnären miña bik küp uzdırırğa turı kilde şul spirt şikelle närsälär belän. Xäzer min 26 yıl buyı eçkänem yuq, spirt digän närsäne. Min xäzer limonad, çäy eçäm limon belän. Şulay itterep qarşı alam Yaña yıl bäyrämen. Häm bik küñelle bula, nişläpter?

- Bersüzsez Şampan şärabı, Toкay şärabı, Ber ryumka Qazannıñ 1000 yıllığına çığarılğan araqı da mömkin.

-Änilär belän bulabız. Alar närsä quyalar östälgä, şunı eçäbez, kompotlar, soqlar.

- Qızıl şärab, Qırım şärabı bik äybät.

- Bıyılğı Yaña yıl İzge Qorban bäyräme belän turı kilä. Şuña kürä alkogol'' eçemleklär eçü tyıela dip uylıym bezneñ tatar xalqına. Menä min alıp quydım 20 sumlıq balalar öçen yasalğan alkogol''sez şampan şärabı. Anda alkogole yuq. Şunıñ belän xasiätlänep utırırbız dip uylıym.

- Möselman keşesenä bernärsä spirt eçemlekläre dä yaramıy. Kisel'', kompot häm yaqtı yöz. Xatınım yasağan qarlığan, krıjovnik kompotı eçäbez. Şulay matur ğına yaña yılnı qarşılarğa dip uylıybız.

Mälikä Basıyr

XS
SM
MD
LG