Accessibility links

җомга, 9 декабрь 2016, Казан вакыты 03:15

İran ministrına Äfğänstanda zur xörmät kürsätelä


İran tışqı eşlär ministrı Manuçir Mottaqi biredä Äfğän citäkçeläre tarafınnan cılı qabul itelde. Mottaqi Äfğän tıqşı eşlär ministrı Rangin Dadar Spanta belän oçraştı. Spanta xäbärçeläregä İrannıñ atom programması Äfğänstannı borçımıy dide. "İrannıñ atom eşçänlege Äfğänstanğa qurqınıç tudırmıy. İran bezgä berniçek tä qurqınıç tudırmıy. İran bezneñ dustıbız. İran terrorçılıqqa häm narkotiklarğa qarşı suğışta bezneñ berektäşebez. İran xökümät oyışmaların nığıtuda bezneñ tayanıçıbız. Bez annan berniçäk tä qurqınıç yäki yanaw sizmibez" dide Spanta. Matbuğat oçraşuında Mottaqi BMO İminlek Şurasınıñ İranğa qarşı qabul itkän öleşçä çikläwlär rezolütsiäse xoquqıy tügel dide. Ul şulay uq Äfğänstandağı çit il xärbiläre eşlären tämamlağannan soñ üz illärenä qaytırğa tieş dide. 2 könlek säfär barışında Mottaqi Äfğän prezidentı Xämit Qarzai häm başqa yuğarı räsmilär belän oçraşırğa cıyına.

XS
SM
MD
LG