Ütep baruçı yıl Peterburgta waqiğalarğa, syurprizlarğa bay buldı. Cäy köne uzğan Zur sigezle" sammitı üze genä dä ni tora.Yözlägän yıl remont kürmägän yortlarnıñ fasadları yañardı, yaña yullar salındı, ağaçlar, çäçäklär utırtıldı- ber süz belän äytkändä şähär yäşärep, maturlanıp qaldı. Küp närsäneñ federal’ aqçağa eşlänüe ayıruça şatlıqlı.Çit il investorları da şähärne çitkä tipmilär. Şuşarıda Toyota" zavodı tözelep yata, Nissan" belän Dñeneral motors"zavodları da Leningrad ciren üz itkännär. Kirov isemendäge stadion urınına Zenit" öçen yaña arena tözelä başladı."Zenitnıñ" töp iğänäçese "Gazprom" da Peterburg cireneñ tatlı ğına kisägenä küz salğan-üzeneñ biznes- üzägen- "Gazprom- siti"nı Oxtada tözergä cıyına. Xakimiät başlıqları "Gazprom" da şähärgä yaxşı ğına öleş çığarırğa tieş dip ömetlänep oligarxlarga sizemle genä taşlamalar yasıylar. Xalıq ta , şähär zıyalıları da "Kukuruza"dip yörtelgän bu 300 metrlı başnyağa qarşı .Dmitriy Lixaçev qayçandır neboskreblar şähärneñ genetik kodın bozaçaq, Peterburgta alar bulırğa tieş tügel digän. Bozılırmı -yuqmı, tik "Gazprom-siti" barıber tözeläçäk. Konstition mäxkämä öçen Senat belän Sinodtan arxivnı quğanda da xalıq qarşı çığıp qarağan ide .Aña qaramastan arxivnı Nevanıñ uñ yarına küçerep Sinod belän Senatnı buşattılar, Mäxkämä xezmätkärlärenä kottedjlar tözü öçen Krestovskiy utrawında cir bülende. Ämma alar Peterburgqa küçärgä bik aşıqmıy . Piterda da Mäskäwdä dä yäşärgä röxsät bulsa, 2008 nçe yılda Konstituion mäxkämä Sinod divarlarında urnaşaçaq ikän Statistika kürsätkänçä Peterburgta tormış yaxşıra ikän, bıyıl xalıqnıñ kereme 14 proyektqa artqan, urtaça xezmät xaqı 10 meñ sum täşkil itä ikän. Blokadniklar turında da onıtmağannar, invalid- blokadniklarğa ikençe östämä pensiä bilgelängän. Şähärdäge bu uñay küreneşlärne gubernator Valentina Matvienko iseme belän bäylärgä tırışalar. Şuñadır da Valentina Matvienkonıñ xalıqqa bik añlaşılıp ta betmägän " kitü, ışanıç" turındağı süzlärennän soñ Rusiä prezidentı aña ışanıç belderde, Qanunnar cıyılışı bu ışanıçnı cöpläde, häm Valentina Matvienko ikençe srokka Peterburg gubernatorı bulıp qaldı. Uyın avtomatlarınnan, tuqtalışlardağı lareklaşlardan qotılunı, byudjet xezmätkärlärenä, fatirğa çiratta toruçılarğa subsidiä häm ipoteka birüne dä Matvienko tırışlığı dilär Anısı şulaydır Ämma ul ipoteka belän bik azlar ğına faydalanıp qaldı. Bäyälär qotırıp üsep kitep, fatir ireşep bulmaslıq xıyalğa ğına äylänep qaldı -ber bülmäle fatirnıñ bäyäse 2 millionnan da artıp kitä. Ğadi pensionerlarğa kilgändä inde, ä alar Peterburgta 1 million 200 meñ, alarnı iñ qızıqsındırğan närsä-munça. Här yaña yıl , cäyge remont aldınnan, munça yañadan açılırmı ikän, pensionerlar köne qalırmı ikän digän soraw alar öçen iñ aktuallänä. Çönki bügenge peterburg pensionerı öçen munça -iñ zur şatlıq Şähärdä bik az ğına qalğan munitsipal munçalarda ber kön alarnıqı Bäyäse älegä 10 sum. Munça ul yuınu urını ğına tügel , ul Rimlyannarnıñ termalar kebegräk närsä. Monda soñğı yañalıqlar yaña qanunnar belän tanışasıñ , üz xoquğıñnı yaqlarğa öyränäseñ, çeterekle oçraqlarda nindi dokumentlar kiräk, kem yärdäm itä ala -bu sorawlarğa tüläwsez cawapnı sinnän kübräk belgän , ämma sineñ belän bertigez keşe birä .Üzlären haman yäş itep toyğan pensioner äbilär bernindi İv Roşe, Lanqom belmägän qartlıqnı tuqtatıp tora torğan krem, loson reeptları belän büleşälär.Nindi ülän tönätmäsenä närsä quşsañ qalğan çäçlärne saqlap bula, kemdä ber restoranda da bulmıy torğan teleñne yortlıq aş-sutozlı käbestä, gömbä reeptları-bolarnı da şul uq munçada belep bula. Monda siña tüläwsez massañ da yasıylar, çäçeñne dä buyıylar. "Bar çirlärne yalap qına ala torğan"apparatlar da täqdim itälär,yäğni peçän bazarındağı kebek kemder aldıy şunda, kemder aldana". Bay xatınnar salonnarda yözlägän dollarğa şokoladqa törenep yata, ä ; pensioner äbilär munçada "İdealnaya çaşa"kaxväxanäsennän alıp kilgän kofe qaldıqların sılap läzzätlänä Effekt şul uq dilär, yäğni näfis tire bay xatınnarında ğına tügel.Munça ul olı ber dönya.Tik bazar iqtisatı digän närsä ul dönyanı çiklärgä tırışa Munça remonttan soñ yä lyuksqa bulıp kitä, yä Matvienkonıñ " profil’ne üzgärtmäskä"digän färmannı da qaramıy, säwdä üzägenä, elit- klubqa äylänä. Şuña kürä xalıqnı yaña yıl aldınnan iñ borçığan soraw- yaña yıldan soñ pensionerlar köne qalırmı, qalsa, bäyäse küpme bulır.Bigräk tä yaqınlaşıp kilüçe duñğız yılında. Bilgele bulğança, duñğız bik ük çista, bik ük pöxtä cänlek tügel bit. Başqa küñelsezleklär alıp kilmäsä, pıçrağın ğına yuarbız anısı. Yaña yılda parlarığız ciñel, tännäregez taza, cannarığız tınıç bulsın, xörmätle millättäşlär! Bäyräm belän sezne!
Gölzadä Kamalova, Sankt-Peterburg
