Accessibility links

пәнҗешәмбе, 8 декабрь 2016, Казан вакыты 14:56

Açıq mikrofon:Yaña yıl kiçendä nindi TV kanalı qaradığız?


İnde alda äytep kitkänebezçä, TV häm radiodan xäzer barı tik näfis fil’mnar häm küñel açu programmaları ğına täqdim itelä. İnde 31 dekaberdän başlap xalıq konsertlar, kölkele tamaşalar, qızıqlı uyınnar, törle däräcädäge yoldızlarnıñ küñel açuın qaraw belän mäşğül. Yaña yıl tönendäge bar tamaşalar da şulardan tordı, dip äytergä mömkin. Yaña ğasır kanalı da üzeneñ bäyräm proyektın täqdim itte tamaşaçılarğa. Läkin alarnı qarawçı bulğanmı, üzäk kanallar, Rusiä yoldızları belän köndäşlek itä alğanmı alar? Bezneñ programmanıñ bügenge açıq mikrofon soraştıruında bez şuşı xaqta beleşergä buldıq. Yaña yıl tönendä tatarstanlılar nindi TV kanalı qaradı, närsä oşadı häm oşamadı ikän?

-Berençe kanalnı qaradıq bez, “Ort”. Anda konsert buldı, törle yumoristik çığışlar. Bik oşadı dip äytä almıym. Şulay da qaradıq inde. “Yaña Ğasır”nı qabızıp qaramadıq. Anda qızıqlı äyberlär bulır dip uylamadıq inde.

-Berençe kanaldan mul'tiklar qaradım, Putinnıñ çığışın tıñladım, konsert qaradım.Miña oşadı.

-Min berençe kanalnı häm “Yaña Ğasır”nı da qararğa ölgerdem. Min üzem tatar cırların bik yaratıp tıñlıym inde. Miña sirkta ütkän konsert bik oşadı.

-Min televizornı ğomumän qabızmadım da. Käyefem bulmadı. Säğät 10да yattım da yoqladım.

-Bez berençe kanalnı qaradıq, “Goluboy ogonek”. Şäp ide ul. Kübräk şunı qarap utırdıq. “Yaña Ğasır”nı da qarap aldıq. Zäynäp cırladı häm başqalar. Tatar cırçılarınıñ kiemnäre ruslarğa qarağanda tärtipleräk, maturraq kürenä.

-Xatınım närsä qaradı, min dä şunı inde. “Ort” qarap utırdıq. Annarı miña “Yaña Ğasır” kanalında sirkta töşerelgän tamaşa oşadı.

Al'bina Zäynulla

XS
SM
MD
LG