Accessibility links

якшәмбе, 4 декабрь 2016, Казан вакыты 09:08

Romaniä häm Bolğarstan Yevropa Berlegenä quşılunı niçek bäyräm itte?


1nçe ğinvardan Romaniä häm Bolğarstan Yevropa Berlegenä qabul itelde. Bu uñaydan häm Yaña yıl kilügä bağışlap , bu illärneñ başqalalrında meñlägän keşe qatnaşlığında bäyärm tamaşaları oyıştırıldı. Bu waqiğa dönya matbuğatında nindi çağılış taptı?

Romaniä häm Bolğarstan, kommunistik rejimnı cimergän çordan soñ, illär tarihında iñ zur waqiğanı kiçerä. 1nçe ğinvardan Yevropa Berlegenä quşılu, yaña yılnı qarşılawğa bağışlanğan gädäti bäyräm çaralarına ömet häm gorurlıq östäde. Romaniä başqalası Bucharestnıñ üzäk mäydanında, zamanında Nicolay Ceausescu kitsen dip, qıçırıp torğan mäydanda, distälägen meñ keşe, sekundlarnı kiregä sanap, yaña yılnı qarşı aldı. Tönge küktä salut balqıdı, Betxovennıñ odası yañğıradı, xalıq tügäräkläp basıp, hora, Romaniäneñ milli biyuen biede.

Bolğarstanda, başqala Sofiädä, şähärneneñ üzäk mäydanı, keşe belän tulğan ide, anda da salut, konsert buldı, bayraq celferdäde. Bulğariä prezidentı Georgi Parvanov, bu tönne, il tarixında iñ möhim mizğel dip atadı. Sofiädä ciyılgan xalıqqa, Yevropa Komissiäse başlığı Jose Manuel Barrosonıñ, Yevropa berlegenä qabul itelü uñayınnan qotlawı kürsätelde, dip yaza “Financial Times” gäzite.

“İndependet” gäzite, “tağı ike däwlät Yevropa Berlegeneñ demokratik ğıymmätläre, keşe xoquqlarına, qanunğa xörmät, irekle säwdä bazarların taläplären qabul itte. Yvropa berlegenä xäzer 27 däwlät kerä, anda 480 meñ keşe yäşi, Berlek Atlantik Okeannan alıp Qara dingezgä qädär cirne bili"-dip yazdı.

“New York Times” gäzite, başqa yaqlarğa igitbar itä. Gäzit, Romaniäneñ kerüe belän, Yevropa Berlgenä 22 million keşe quşıldı, bu Yevropa Berlgendä 7nçe şundıy zur äğzä il bulıp tora, dip yaza. Bolğarstanda keşe sanı 7,7 millionğa citä.

Küptän tügel, Brusseldä bulğa oçraşuda, Yevropa liderları, kiñäytü turında qatıraq soyläşä başladı, ämmä yaña şartlar quymadı. Häm Törkiä, Albaniä, Bosniä, Xorvatiä, Makedoniä, Montenegro häm Serbiäne qayçan bulsa da qabul itülären qabatladı, dip yaza “New York times” gäzite.
XS
SM
MD
LG