Mosolmandar susqa yılın qorban salıp qarşı aldı. Üźen xaq mosolman iśäplägändär ösön bıl kön yañı yıl bayramınan ğäyre Qorban ğäyete bularaq iśtälekle buldı. Azatlıq radiohı xäbärsehe İglin rayonında yäşägän Fiday ağay Abrarov menän äñgämä qorźo. Hüź susqa yılına tügel, küberäk qorbanğa qağılışlı buldı. Sönki Fiday ağay üźe lä 31-se deqabrźä qorban salğan.
2006-sı yılda Qorban bayramı ike tapqır buldı. Yıl başında– 11-se ğinuarźa häm yıl aźağı– 31-se deqabrźä. Din menän qıźıqhınğan Fiday ağay Abrarov qıźıqlı tikşereneü uźğarğan. Baqtihäñ, qorban ber yılda ike tapqır 32 yılğa ber tura kilä ikän. Mäśälän 1878, 1910, 1942, 1974- se yıldarźa ul şulay bulğan. Kilähe igeź qorban 2038-se yılğa tura kilä tine Fiday Abrarov.
Şulay yämäğät, susqa yılın qarşı aldıq, tik Fiday ağay äytmeşläy, susqa yılında susqasa qılanmayıq, mosolman bulıp qalayıq.
B.Fatqullin Öfö
